خنقها لحد ما ماتت .. لماذا قتل نجار الصف شقيقته في غرفة نومها؟ (س وج)

قضت الدائرة الثانية بمحكمة جنايات جنوب الجيزة، برئاسة المستشار حسين فاضل عبد الحميد بمعاقبة خفير بالجسن المشدد 15عامًا لاتهامه بقتل شقيته الصغير "فرح" لشكه في سلوكها.
وخلال جلسة الحكم سأل القاضي المتهم، النيابة العامةوجهت لك تهمة قتل شقيقتك عمدًا فرد الأخير :ايو يا فندم أنا قتلتها.

وجاء نص أقوال المتهم في أوراق القضية رقم 4761 لسنة 2024 جنايات الصف، والمقيدة برقم 1380 لسنة 2024 كبلي جنوب الجيزة كالتالي:

س: ماهي تفصيلات اعترافك تحديدا؟

ج : أنا أخ كبير على ثلاث بنات ومعايا أخ صغير تانى لسه متجوز وحصل مشاكل بين أبويا وأمي بسبب أختى فرح رمضان حسين على عشان ادعت على أبوها إنه اتهجم عليها، وده كان سبب في إن أمي تطلب الطلاق من أبويا واطلقت ورفعت قضايا على أبويا.

و أختي فرح مواليد 2004وأنا وهي اتجوزنا في يوم واحد 14-8-2019م وهيا راحت قعدت في قرية اسمها منيا الصف ومعداش 4 شهور وغضبت وجات بيت أبويا وحطت دماغها في دماغ مراتي، وجيت في يوم وهي غضبانة وقاعدة في بيت أبويا وأنا راجع من الشغل طالع شقيتى فوق بيت أبويا وأمي، لقيت الباب مفتوح ومراتى دعاء مش فيه ولقيت ورقه على التلفزيون مكتوب فيها أنا دعاء ومشيت أنا وأختك فرح ومش هترجع البيت إلا لما أبوك يسيب البيت عشان أبوك بيتهجم علينا احنا الاثنين.

وبعدها فضلت أسبوع أدور عليها وجبناهم وعرفنا إنهم كانوا هاربين مع واحد في إسطبل عنتر وقاعدين أسبوع معاه في الشقة وأول مارجعتهم طلقت مراتي، وسبت أختي اطلقت هي كمان من جوزها وجالها عريس ثاني بعد عدتها على طول واتجوزت، وراحت قعدت معاه في التنين ومكملتش ست شهور وجت برضوا بيت أبوها واتخانقت مع أبويا بسببها عشان هو يساعدها إنها تغضب وتسيب بيت جوزها، وسبت له البيت ومشيت أنا وأمي وإخواتي البنات روان عندها 7 سنين وروضة 13 سنة، وروحت قعدت في الشرفا وسكنت في بيت خالي وأخذته منه إيجار لأمي وإخواتي والكلام ده كان في 2020.

ولما عرفت وأنا سايبهم إنها اتطلقت من جوزها الثاني روحت اتكلمت مع أبويا تاني وقالي ملكش دعوة ده بنتى وأنا حر فيها وقولتله خلاص براحتك وسيبتهم وبلغت أعمامي باللي بتعمله.