محمد ممدوح: مافيش حاجة اسمها نمبر وان في تاريخ السينما
قال الفنان محمد ممدوح عن لقب نمبر وان فى تاريخ السينما المصرية، أن وظيفة الفن قائمة على المنافسة.
قال محمد ممدوح خلال ظهوره فى لقاء مع الإعلامي معتز الدمرداش، فى برنامج “ضيفي” المذاع على قناة الشرق: "مفيش حاجة اسمها نمبر وان في تاريخ السينما المصرية وأفضل فنان في التاريخ الكلمة مقصود بيها الترويج مش أكتر، وشغلانتنا حلاوتها في المنافسة، أننا نأخذ وندي من بعض ونحافظ على بعض ومحدش يطلع لوحده في أي عمل، فنحن فريق جماعي".
كما روي محمد ممدوح عن تفاصيل محاولة نصب تعرض لها أثناء وجوده في جزيرة زنجبار، التي يعتبرها واحدة من وجهاته المفضلة، قائلا:"زنجبار أكتر مكان حسيت إني ممكن أعيش فيه. أهلها طيبين جدًا وبيشبهوا أهل أسوان في الطيبة والهدوء. لكن هناك واحد حاول ينصب عليا، والبلد كلها وقفت ضده".
وأوضح ممدوح أنه كان يرغب في شراء الزي التقليدي الخاص بأهل زنجبار، ولكن البائع طلب منه سعرًا مبالغًا فيه، قائلا: "لقيت ناس من أهل البلد بيحذروني وبيقولولي إنه نصاب، وعرضوا نفس الزي بأسعار أقل، تاني يوم الشخص ده اتطرد من الأوتيل بسبب اللي عمله".
