لاعب بالمنيا يحقق المركز الأول في بطولة كأس العالم للقوة البدنية وزن 52 كيلو
أعلنت مديرية الشباب والرياضة بالمنيا، إنها تتقدم بخالص التهنئة للاعب المنيا، وللمحافظة ولجمهورية مصر العربية، بعد فوز، يوسف محمد جمال الفولي ، 19 سنة، بالمركز الأول في بطولة كأس العالم للقوة البدنية وزن 52، في البطولة المقامة حاليا بالقاهرة.
وأوضح اللاعب يوسف محمد جمال ، في تصريحات خاصة لـ"الطريق"، أنه بفضل الله حقق المركز الأول فى بطولة كأس العالم للقوة البدنية ، وهذه اول بطولة له في حياته ، واللي جاي كتير بأذن الله.
موضحا، انا بدأت تدريب من سنه مع الكابتن وليد كنت نازل جيم عادي مفيش في دماغي اللعبه دي ولا كنت اعرف ايه هي فهو كان معدي شاف اني رفيع بس اوزاني حلوه اقترح عليا انه يهتم بيا لحد اخر السنه و أشارك في بطولة العالم 2025 ، وفي الوقت ده اقترحت على والدي ، محمد جمال الفولي ، الكلام ده و فضل واقف ورايا و نزل معايا الجيم علشان يهتم بيا و يظبط اكلي و اي حاجة محتاجها و نزلنا تصفيات كأس العالم باسم مصر في محافظة المنصورة.
وأضاف البطل، شاركت فيها وطلعت منها بمركز اول وشاركت في بطولة كأس العالم عديت من الحلم شويه و دوست علي نفسي و كملت لحد ما وصلت الى بطولة العالم للقوة البدنية التي أقيمت تحت سفح الأهرامات في الهرم بمشاركة 20 دولة بينها روسيا وفرنسا واستراليا وتركيا، وسافر معايا والدي و الكابتن بتاعى ووقفوا معايا لحد ما بفضل الله اخدت مركز اول عالم.
