الرئيس السيسى يقترح معايشة قصيرة لأبناء الشهداء في أكاديمية الشرطة

اقترح الرئيس عبد الفتاح السيسي إجراء معايشة قصيرة لأبناء الشهداء، خاصة الراغبين في الالتحاق بالأكاديمية عقب الثانوية العامة، ومنهم علي، نجل الشهيد رامي هلال.

وقال الرئيس السيسي، خلال كلمته في حفل عيد الشرطة الـ74: «الداخلية دول ولاد مصر، شباب وشابات من كل بيت في مصر..

أسرة الشهيد رامي هلال أسرة مصرية.. والدة علي وأخواته دول مصريين.. مهم جدًا نحافظ على الصلة اللي بين مؤسسات الدولة وشعبها.. هاتوا شباب الجامعات ييجوا يعيشوا».

وتابع الرئيس السيسي: «علي عاوز ضابط شرطة.. أهلًا وسهلًا.. لما نسمع كده نبدأ نعمل تقديرًا لأسرته ووالده الشهيد رامي.. تعالي يا علي وغيره.. يقعد 10–15 يوم تشوف بابا كان بيعمل إيه؟.. ولو البنات ولاد الشهيد نفس الكلام.. وده مش عبء على الأكاديمية..

والأكاديمية المستويات جواها.. هي الهدف منها تعمل عمل طيب وتضخ دماء طيبة في دماء وشرايين الدولة فرصة لابننا علي واللي زيه.

لو عندهم رغبة نديهم فرصة في الإجازة يعيشوا في الأكاديمية، يشوفوا الدنيا ويشوفوا بابا كان بيعمل إيه ويشتغل إيه.. وكان بيتعب إزاي علشان البلد تعيش».