أحمد موسى يكشف شهادة متحدث الرئاسة عن الرئيس السيسي: 3 أمور يفعلها قبل أي إجراء

قال الإعلامي أحمد موسى، إن اليوم الختامي لمنتدى مصر 2026 مهم جدًا لعرض ما قامت به الحكومة منذ 2014، موضحًا أن ما حدث في مصر لم يكن متوقعًا منا، مردفًا: «هل كنا نتوقع أنه يكون فيه شغل في كل شبر في مصر، الشغل في وقت واحد في الـ27 محافظة؟».

وطرح أحمد موسى، خلال تقديم برنامج «على مسئوليتي»، عبر قناة «صدى البلد»، تساؤلًا: لماذا فعل كل ذلك الرئيس السيسي؟ معقبًا: «الرئيس السيسي استلم البلد ولم تكن مثل السويد أو الدنمارك، البلد كل حتة فيها على الأرض، وفي شهادة كمان للسفير محمد الشناوي متحدث الرئاسة، وشغال مع الرئيس، لأن كل مسؤول يخشى وجع الدماغ والنقد، فيريح نفسه ودماغه من أي نقد وميعملش حاجة».

وأردف: «الكلام ده على لسان السفير محمد الشناوي متحدص الرئاسة بيقول: كل قرار بياخده الرئيس السيسي في أي مجال أو إجراء مش بيفرق معاه الشعبية خالص، وأنا لمست خلال فترة عملي في الرئاسة، وليا الشرف العمل مع سيادته».

واستطرد: «الرئيس السيسي في كل إجراء بيعمله إرضاءً لربنا سبحانه وتعالى، والأمر الثاني هو أن يراعي مصلحة مصر ثم مصلحة الشعب».

وأشار أحمد موسى إلى: «كل اللي بيعمله الرئيس السيسي من أجل الوطن، واللي بيخاف من ربنا لا يهمه مين يزعل ومين يضايق ومين يفرح، وكمان لا تفرق معاه شعبيته، والرئيس السيسي دايمًا بيقول: يدينا ربنا على ما نعمله لمصر، الرئيس جه البلد مفيش نقل ولا كهرباء ومشاكل بنية تحتية في كل البلد».

وتابع: «عندنا تحديات إقليمية وتحدي سد الخراب الإثيوبي وتحديات داخلية، ورغم كل ده لازم نبني البلد حتى لو هناخد قروض، القروض كده كده هتتسدد، وكل حاجة زادت 5 أو 6 أضعاف عما كانت عليه».

وتابع: «إيه وجع الدماغ؟ كان ممكن تسيب كل حاجة زي ما هي، ليه شعبيتي تتأثر وأفضل بطل زي ما أنا، وليه في 2013 اللي نزلوا وطلبوا صورة البطل، والتي هي كما هي؟ ليه أزود المترو أو أعمل طرق؟ فالطريق السهل لأي مسؤول إنه يخلي كل حاجة زي ما هي ويسلمها زي ما هي علشان محدش يزعل منه».

وأردف أحمد موسى: «الرئيس السيسي اختار الطريق الأصعب والتحرك في المسار لآخره، وإن شاء الله هيستمر المسار ولن يتوقف إن شاء الله، والرئيس خد القرار بعيد عن المسكنات، وخد القرار الأصعب والأشرف من أجل الإصلاح على حساب شعبيته».