تامر أمين للهارب محمد علي: «مستنيك يوم الثلاثاء» (فيديو)

وجه الإعلامي تامر أمين، رسالة للمقاول الهارب محمد علي، قائلا: "عندي مشوار للتجمع والدنيا هتكون زحمة فأدعو الناس تنزل يوم الثلاثاء عشان الطريق يبقى فاضي ساعتها كده كده محدش هينزل".

وأضاف "أمين"، في برنامجه "آخر النهار"، المذاع على قناة "النهار"، مساء اليوم السبت: "نفسي أشوف وش محمد علي دلوقتي بعد ما المظاهرات اللي دعا ليها فشلت ومحدش نزل".

وتابع: "محمد علي لما لقي ناس كتير بتتفرج عليه، الإخوان افتكروا أن محمد علي بيشوفه عدد كبير من متابعي السوشيال ميديا واستغلوه عشان يكون أيقونة للثورة الجديدة اللي عايزين ينفذوها".

واختتم: "محمد علي حس أنه بطل ودعا إلى ثورة ولكن المصريين لم يستمعوا إلى طلبه ولم يستجيبوا، قالوا له أنت عبيط يلا ثورة إيه".