اليوم.. رضوى الشربيني تتحدث عن مصطفى أبو تورتة.. والجمهور: ”اديلوا مترحمهوش”
شاركت الإعلامية رضوى الشربيني، متابعيها استعدادها وحماسها للحديث عن مصطفى أبو تورتة، في حلقتها اليوم ببرنامجها "هي وبس" ، المذاع عبر قناة "cbc سفرة، في تمام الساعة السادسة مساءً.
وعلقت "رضوى الشربيني" عبر صفحتها الرسمية بموقع تبادل الصور والفيديوهات "انستجرام"، وموقع التواصل الاجتماعي "فيسبوك"، قائلة: "مصطفى أبو تورتة ده أنت هتزعل وهاتجيب ناس تزعل معاك ومش خسارة فيك حلقة بكرة".
ويستمر هاشتاج مصطفى أبو تورتة في تصدر تريند محركات البحث وأبرزها "جوجل"، بعدما أثارت فتاة تدعى "نهال" حالة من الكوميديا والغضب بعد نشر قصة انفصالها عن خطيبها الذي تركها بإحدى قاعات الأفراح، ورحل هو وعائلته، وبعدها اكتشفوا انه أخذ "التورتة".
وتفاعل العديد من الفتيات مع الإعلامية رضوى الشربيني، من خلال خاصية "التعليقات" التي تنوعت بين اديلو يا دودى، والله واتشهرت، اديله مترحمهوش ي رضوي، انا قولت بردو الموضوع دة مش هيعدى من تحت ايدك كدة بردو، مش هنوصيكى بقى يا رضوى، مش خساره فيك يامصطفى يا ابو تورته، ينهار ازرق عليكو الواد هيجلو حاله نفسيا أقسم بالله".
نشرت القصة من البداية فتاة تدعى "نهال شعبان" عبر موقع التواصل الاجتماعي "فيسبوك"، وقالت: "طب مش عادتي اتكلم واكي عن حياتي الشخصية ، على الفيس، بس اللي حصلي مش مشوية فمضطرة اتكلم عشان متعبش، انا كان مقرى فتحتى زى ما كله عارف على مصطفى وخطوبتى كانت يوم السبت، اللى فات المفروض".
وتابعت:" كان بينا مشاكل زى أى اتنين عاديين، مع مامته بقى وخلافات بتحصل أول ما اطلب حاجة وقولت دا عادى بيحصل بس اللي متخيلتش إنه يحصل إنه يسيبنى فى القاعة لوحدى، اتفاجئت إنه مش عازم صحابه ولا قرايبه كلهم، وحسيت فى حاجة غلط، حتى مامته وأخته مفيش واحدة فيهم جت باركتلى وقولت أمشى اليوم".
وقالت أيضًا: "كل ما أقوله فين الشبكة اللى هنلبسها يقوللى أصل اتكب عليها شربات أصل وقع جاتوه عليها، طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا".
وأضافت:" وقال إيه خالوا تعب! فيقوم أهله كلهم يمشوا وأنا فى القاعة لوحدى بدور عليه الاقيه بيصرخ برا ويقول خالى عيان وبيلطم وحاجات غريبة كدا وأنا أقسم بالله ما مستوعبة اللى بيحصل هو فى واحد خاله عيان عيلته كلها بتمشى الستات اختفوا بس كانو بيهزروا فوق نسوا العيان".
وانهت كلامها:" مبقتش زعلانة عليك أصلًا ولا فكرالك حتى حاجة واحدة عدلة ، استعوضت ربنا في حقي، كان ممكن ننهى بالمعروف من غير أذى نفسى ليا، كان ممكن تسترجل وتيجى تقولى يلا نفركش وكنت لغيت الخطوبة، مش جى وبترقص وتقولى محضرلك مفاجأة، وفى نيتك تعمل فيا كدا".
اقرأ أيضًا:
"الأعلى للإعلام" يكشف مصير رضوى الشربيني وعمرو أديب 
