رضوى الشربيني تفتح النار على مصطفى أبو تورتة: ”متعرفش يعني إيه راجل” (فيديو)

وعلقت رضوى الشربيني على الواقعة من خلال الفيديو:" "مفيش حد علمك إن في حاجة اسمها زي ما دخلنا بالمعروف نخرج بالمعروف، محدش علمك إن بيوت الناس ليها حرمة".

وأضافت: "محدش علمك الفرق بين الراجل ورجل الكنبة، دينك معلمكش إنه فإمساك بمعروف أو تسريح بإحسان، متعلمتش إن نهاية العلاقة لازم يكون فيها شرف وتكون بأدب يا محترم، واضح إن محدش علمك علشان ماما مشيت ورا خالك".

وتابعت رضوى الشربيني كلامها بحزم شديد :"كنت عايز تعملها فضيحة بجلاجل، وهو في واحد يسيب خطيبته في قاعة الفرح إلا لو فيها حاجة وعايز يكسر نفسها وقلبها، تسمع عن كده ولا متسمعش يا أبو تورتة، الفضيحة إللي كنت عايز تعملهالها محصلتش، ولكن ربنا رفع ستره عنك وخلاك يا أبو تورتة عبرة لمن يعتبر، إنت أخدت نصيبك مني ومن كل الرجال والنساء والسيدات والشباب مش في مصر بس لا دا في الوطن العربي كله، إنت مش هتلاقي حد يتجوزك، انت عارف حتى لو بطة ماشية مش هترضى أصلًا تبصلك".

وأكملت كلامها مهاجمة لعائلته: "مفيش فرد واحد يقوله حرام عليك اتقي الله إحنا عندنا ولايا وبنات، مفيش حد فيكم عاقل عنده رحمة، عنده قلب يقوله ارحم البنت وسمعتها، يا نهار أبيض هو إحنا وصلنا لكده، بعتوا للأم وولاد الخالة ، وفرحانين على الفضيحة اللي هيعملوها للبت،  اديكوا انتوا اللي اتفضحتوا، من حفر حفرة لأخيه وقع فيها يا أبو تورتة".