شاهد.. أول تعليق من هنا الزاهد بعد وفاة طلعت زكريا
نشرت الفنانة هنا الزاهد منذ قليل عبر حسابها الرسمي على موقع تبادل الصور والفيديوهات"انستجرام"، صورة لها مع الفنان طلعت زكريا ، زكتبت كلكات حزينة تنعي الراحل طلعت زكريا.
وقالت :"دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين. انا فتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر. انا عايزة اقولك اني معرفتش كلمة بابا غير و انا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما. فكرة اول بيض اومليت وقولتلي اعملي مطعم " بالهنا و الشفاه" واديتني ١٠٠ جنيه عشان تشجعني اطبخ. كنت دايما تقولي انت هتبقى حاجة كبيرة وكنت بتشجعني. كنت فخور بيا لما اتخرجت وعيط اليوم ده. انا عمري محسيت انك مش ابويا اللي مخلفني. انا مش مصدقة اني مش هشوفك تاني واقولك زازي يا زازي.. نفسي ترجع واقولك قد ايه احنا بنحبك كلنا وا قولك انك اعظم ممثل. انا بحبك اوي ومكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء".
يذكر أن الفنان طلعت زكريا قد رحل عن عالمنا عصر أمس، بعد صراع طويل مع المرض دخل على أثره أول أمس المستشفى، وغيبه الموت أمس عن عمر ناهز 58عاما، وسيتم تشييع الجثمان اليوم الأربعاء في تمام الساعة 7 صباحا، على أن تقام صلاة الجنازة اليوم بعد صلاة الظهر، بمسجد العمري في منطقة العطارين بالإسكندرية.
