صلاح عبدالله ناعيا طباخ الريس: ”طلعت راح ياآدم”

وعلق "صلاح" على الصورة وقال:" طلعت راح ياآدم للشاعر مجدي كامل ولـ علاء ولي الدين، راح ولينا فات ذكريات البدايات وأحلى الحكايات وضحك السنين، دفنوه ياصاحبي خلاص والتالتة تابتة، ماهو مات ورجع قبل كدا مرتين، ربنا يجعل سنين معاناتك في ميزان حسناتك ????آمين يارب العالمين، أرجوكم الفاتحة والدعاء لـ #طلعت_زكريا". 

كما نعت الفنانة هنا الزاهد زوج والدتها وقالت :"دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين. انا فتحة الصورة دي من بدري وعايزة اقولك انك ربنا هيدخلك الجنة يا اطيب خلق الله انت ربيت ٣ بنات وكأنك ابوهم واكتر، انا عايزة اقولك اني معرفتش كلمة بابا غير وانا معاك، عمري مقولت اصلا تقريبا بابا غير ليك".

وتابعت:" كنت بجري عليك اول معمل حاجة غلط عشان تدافع عني قدام ماما. فكرة اول بيض اومليت وقولتلي اعملي مطعم " بالهنا و الشفاه" واديتني ١٠٠ جنيه عشان تشجعني اطبخ. كنت دايما تقولي انت هتبقى حاجة كبيرة وكنت بتشجعني. كنت فخور بيا لما اتخرجت وعيط اليوم ده. انا عمري محسيت انك مش ابويا اللي مخلفني. انا مش مصدقة اني مش هشوفك تاني واقولك زازي يا زازي..".

وأنهت كلامها:"نفسي ترجع واقولك قد ايه احنا بنحبك كلنا وا قولك انك اعظم ممثل. انا بحبك اوي ومكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء".