حمو بيكا يقتحم نقابة الموسيقيين ويهدد هانى شاكر: ”المرة الجاية هكسرها” (فيديو)

توجه المطرب الشعبي حمو بيكا إلى نقابة المهن الموسيقية، وهو غاضب وأحدث ضجة كبيرة بمقر النقابة. حيث هدد حمو بيكا العاملين بالنقابة والفنان هاني شاكر نقيب الموسيقيين، وكان ذلك من خلال صفحته الرسمية بموقع "فيسبوك" من خلال "لايف".

وقال خلال الفيديو:" طلبوا مني 300 ألف عشان أشتغل وأدخل النقابة، أنا بيهم من غيرهم، هشتغل".

وأضاف :" دي بلدي، هعيش هنا واموت هنا، هما بيمنعوا أي شاب يغني في مصر، الناس حبتني واعترفوا بيا ورحبوا بيا ليا جمهور بيسمعنا".

وتابع:" أنا عايز أعرف مين بيمثل النقابة، لو الأستاذ هاني  شاكر، يشوف العاملين بالنقابة، عاملين نفسهم مغنيين وملحنين، لكنهم في الأصل ولا مغنيين ولا ملحنين".

 

وهدد نقيب الموسيقيين، قائلًا:" المرة دي أنا عملت لايف، لكن المرة الجاية هنزل الشارع والناس هتنزل معايا، وهنكسر النقابة،  ومحدش هيمنعني غير الموت ولو على الحبس هتحبس هنا وهموت هنا، أنا مش خايف".

وأكمل تهديده:" والمرة الجاية كلنا هننزل نقول مش عايزين هاني شاكر، كل الناس اللي بتسمع مهرجانات هتقول مش معترفين بالفن بتاعكو". 

يذكر أن نقابة المهن الموسيقية أصدرت قرارًا بإلغاء حفل حمو بيكا، الذى كان مقررًا أن يقام في محافظة دمياط يوم ٢٤ من شهر أكتوبر الجارى.

 

وكانت النقابة قد أكدت أن حمو بيكا واحد من المطربين الممنوعين بقرار مجلس نقابة المهن الموسيقية الحالي من الغناء وإقامة الحفلات وأن الحفلة لم تحصل على ترخيص أو تصريح بإقامتها من نقابة المهن .