سارة نخلة: ”مش عارفة اقعد دقيقة من الوجع” (صور)
حازت صورة الفنانة السورية سارة نخلة، من داخل إحدى المستشفيات، في وقت سابق من خلال حسابها الشخصي على موقع تبادل الصور الشهير "إنستجرام"، تفاعلا كبيرا من معجييها.
وعلقت الفنانة على الصورة، قائلة: "أنا أول مرة بعمل الحركة دي ولا عمري حبيت حد يشوفني تعبانة أو ضعيفة بس الحوار غريب شوية أو شويتين الحقيقة".
اقرأ أيضًا.. محمد عباس نجم ستار أكاديمي يعتزل الغناء
وتابعت، "دي كانت ليلتي في المستشفى بعد ما روحت البيت بعدين حسيت بوجع رهيب روحت المستشفى وعملت نقدر نقول نصف عملية عشان التخدير كان موضعي عشان مش عارفة استحمل الألم بس غير أننا كان عندي برد اصلا و بقالي أربع أيام مش باكل كويس ومش بنام كويس وكل شوية بدوخ بس السبب الي دخلني المستشفى بالليل وبكل بساطة هو نملة ، صدقوني نملة... تخيلوا لما تبقوا طول الوقت بتحاولوا تبقوا أقوى وكويسين وتيجوا على نفسكوا وفي الآخر نملة تدخلكو العمليات".
واستكملت: "ببساطة نملة قرصتني عملت التهاب بعدين خراج وكل دا أنا فاكرة إنها ناموسة عادية عشان أنا جسمي حساس جدا بس وصلت لدرجة بالليل إني مش عارفة أقعد دقيقة من الوجع والسخونية والدوخة ودخلت الطوارئ على طول والدكتور فتح الخراج طبعا كنت بموت من الوجع بس الحمدلله عدت على خير، الحمدلله على كل حال وأنا في بيتي دلوقتي بس يارب أبقى أحسن والجرح يلم بسرعة عشان أقدر أوقف تاني".
يذكر أن الفنانة سارة نخلة، انفصلت عن أحمد عبدالله محمود منذ عدة شهور، ونشبت بينهما العديد من الخلافات التي وصلت إلى طريق مسدود، ثم تطورت الأمور ووصلت إلى القضاء.
