بطريقة غير مباشرة.. شادي سرور عن تصرفات محمد رمضان”الفلوس مش كل حاجة”
نشر اليوتيوبر المصري شادي سرور، صورة جديدة عبر حسابه الخاص على موقع تبادل الصور والفيديوهات "انستجرام"، وهو جالس في "بانيو" وتحيطه الأموال على حواف "البانيو".
وعلق "سرور" على الصورة وقال:" كده بقيت رقم واحد؟ للاسف ورق مالوش اي تلاتين لازمة بيحدد قيمة الشخص دلوقتي، الصورة دي من سنتين جمعت فلوس في شنطة وسافرت من القاهرة لاسكندرية عشان اشتري عربية بحلم بيها من صغري كنت فاكر وقتها ان الفلوس كل حاجة".
وتابع:" دلوقتي انا شايف ان الفلوس دي ولا ليها اي لازمة لو الانسان مش طيب من جواه وكل هدفه يساعد الناس دلوقتي انا اتغيرت كل قرش بيجيلي بدفعه في الشغل عشان ارسم ابتسامة وافرح ناس أو بساعد بيها ناس مش لاقية، لان ربنا في الاخر هيسألنا علي كل قرش عملنا بيه ايه".
وفي السطور التالية تحدث شادي سرور عن الفنان محمد رمضان بطريقة غير مباشرة، بسبب ذكره للسيارة الفارهة والطائرة الخاصة بـمحمد رمضان، وفي بدء كلامه ذكر كلمة رقم واحد، ومحمد رمضان ملقب بـ"نمبر وان".
واضاف:" مش عايزها مش عايز اشتري اغلى عربية واركب طيارة خاصة واعيش في قصر دلوقتي عندي هدف تاني وهو اني اساعد الناس واسعدهم واسيب اثر ايجابي في حياتهم".
واختتم:" الهدف من الصورة التريقة علي كل اللي بيتمنظروا بفلوسهم. وفي اغنية جديدة هتنزل قريب علي يوتيوب بعنوان "فلوس" استنوها عشان في جبهات كتير هتطير".
يذكر أن أخر أغاني شادي سرور كانت بعنوان " أول واحد" الذي طرحها العام الماضي وحققت نسبة مشاهدة وصلت إلى 10 ملايين مشاهدة.
