أحمد حلمي يكشف حقيقة تراجع إيرادات ”خيال مآتة” (فيديو)
نشر الحساب الرسمي لـ"ارب وود"، على موقع تبادل الصور والفيديوهات "انستجرام"، سؤال أحمد حلمي عن تراجع إيرادات فيلمه الأخير خيال مآتة، وكشف أحمد حلمي عن الأمر وراء تراجع الإيرادات وقال:" أنا عاجبني فكرة انه مش زي الافلام اللي قبل ولو على مستوى الإيرادات فالفيلم نجح وعمل 40 مليون، نفسنا يعمل 100 مليون بس هو بالفعل عمل 40 مليون، ودي ايرادات جيدة بنسبة ليا كويسة.
وتابع "حلمي":"تفسيري لعدم الإقبال لأن الناس كانت منتتظرة أن يكون العمل كوميدي من المشهد الأول حتى المشهد الأخير،ولكن الكوميديا كانت قليلة، ومتأكد أن دي من الحاجات اللي معجبتش الناس".
وأضاف:" أنا الفيلم دا بعتز بيه جدا لأن تعبت فيه جدا، أنا عندي اعتقاد أن بعد سنين الفيلم دا هيتفهم، وأن وجهة النظر هتتغير".
وعند سؤاله عن عمل يجمعه سويا مع منى ذكي، رد "حلمي":" مفيش حاجة أكيدة، وكان في سيناريو شغالين عليه، بس لسه منتهاش وأنا نفسي اشتغل معاها جدا حقيقي، وبأكد انها قربت خالص".
يذكر أن آخر أفلام الفنان أحمد حلمي هو "خيال مآتة" الذي طرحه بالتزامن مع موسم عيد الأضحى الفائت و هو بطولة كل من : أحمد حلمي، منة شلبي، حسن حسني، بيومي فؤاد، إنعام سالوسة، عبد الرحمن أبو زهرة وتأليف عبد الرحيم كمال واخراج خالد مرعي.
