بسبب الشعراوي.. أسما شريف منير تغلق صفحتها على الفيس بوك (صور)

أغلقت الإعلامية أسما شريف منير، حسابها الرسمي على موقع التواصل الاجتماعي "فيس بوك"، وذلك بعد هجومها على شيخ الدعاة محمد متولي الشعراوي.

ونشرت أسما، قبل غلق حسابها منشور آخر قالت فيه " مش ممكن محدش ينفع يقول كلمة من غير هجوم هو في ايه؟ .. ايه التنمر والتعصب والبشاعة دي".

فى بداية الأمر هاجمت الإعلامية أسما شريف منير، عبر حسابها الشخصى على موقع التواصل الاجتماعى "فيس بوك"، حيث كتبت على صفحتها قائلة: " صباح الخير عايزه اخد رأيكم في حاجه، بقالي كتير معنديش ثقه في اغلب الشيوخ، كتير منهم مدعين و يا متشددين اوي يا خلطين الدين بالسياسة، نفسي اسمع حد معتدل محترم معلوماته مش مغلوطة، لسه في حد كده؟" .  

وردت عليها احدي المتابعين قائلة : "طلعى دروس الشيخ الشعراوي من you tube مفيش احسن منه فعلا" .

وردت أسما، برد أغضب الكثير من متابعيها حيث قالت : " طول عمري كنت بسمعه زمان مع جدي الله يرحمه و مكنتش فاهمه كل حاجه، لما كبرت شفت كام ڤيديو مصدقتش نفسي من كتر التطرف، كلام فعلاً عقلي ما عرفتش استوعبه.. حقيقي استغربت" .

ورد عليها أحد المتابعين قائلاً : " بصي خليكي في الشوبنج ودبي ولندن وبرنامج بتاعك الي مش بيقدم حاجه هادفه للجمهور وبلاش تغلطي في راجل لو عشتي عمرك كله مش هتعرفي تبقي زي ضفره حتي

قال شعراوي متطرف ينهار اسود انتوا عاوزين ايه بجد" .

ورد آخر قائلاً : " انتى مدركة بتقولى اية الشعراوى متطرف ازاى" .

ورد آخر قائلاً : " الشعرواى متطرف انتي عامله الدماغ دي فين انتي اللي ذيك ملوش غير واحد زي البرهان عشان يعرفه يعني ايه تطرف" .

اقرأ أيضاً : ريهام عبدالغفور تحتفل بالهالوين مع ماسك "فريدة" (صورة)

ورد آخر قائلاً : " طول عمرنا بنسمع الشعراوي وشرحه للقرآن مبسط وجميل إيه بقى تطرف دي معلش !.. انتى بقالك فترة بتهبلى في كل حاجة في لبسك وطريقتك ومبقتيش تقدمى حاجات مفيده لكن تتكلمى عن الشعراوى وتقولى متطرف لا يبقي تقفي عند حدك متطرف ومش عاجب سيادتك ليه عاوزاه يحلل التاتو بتاعك؟ .." .