دينا الشربيني عن هيثم أحمد زكي: ”شاف ضغط كبير وتنمر من الناس”
نشرت الفنانة دينا الشربيني صورة جديدة عبر حسابه الرسمي على موقع تبادل الصور والفيديوهات "انستجرام"، برفقة الفنان الراحل هيثم أحمد زكي والفنانة ناهد السباعي.
وعلقت على الصورة قائلة: "أنا مبعرفش اكتب ولا عمرى كتبت ..بس أنا مش قادره اصدق أنى مش هشوفك تاني!! ولا هتكلمني في التليفون تاني وتقولي يالا نتقابل..ولو مردتش عليك الاقيك بعتلي مسدچ بتقللي طظ فيكي مش هكلمك تاني، وأول ما ابعتلك اقللك يابنى ملحقتش ارد ده التليفون رن مرتين تقللي خلاص امسحي المسدچ وكأنى مبعتلكيش حاجة".
وتابعت: "طول اليوم كنت بهرب من أنى اصدق أن ده حصلك أنت ياهيثم.. لحد ما جيت أنام دلوقتي ومش هاين عليا أنام واحنا سيبينك لوحدك.. كنت دايما تقلنا كلنا اسألوا عليا لحسن اموت لوحدي ومحدش يعرف..".
واستطردت: "كنت طيب وجدع وحنين وعامل زي العيال الصغيرة .. نفسى نحب بعض كلنا ونخاف على مشاعر بعض، مش لازم نستنى حد فينا يموت علشان نفهم أن الدنيا مش مستاهلة.. هيثم شاف أيام صعبة وضغط كبير من الناس وتنمر ومقارنة مش عادلة وللأسف مشفش حب الناس لى الإحنا شايفينه دلوقتي..".
واختتمت:" أنا عارفة انك فى مكان أحسن من اللي احنا فيه وسط حبايبك..كان نفسك تروحلهم واديك روحت يا هيثم..".
يذكر أن الفنان هيثم أحمد زكي رحل عن عالمنا في فجر يوم الخميس، إثر تعرضه لهبوط حاد في الدورة الدموية، ورحل عن عمر يناهز الـ35 عاما.
