أشرف عبد المنعم في أول ظهور على CTV : أنا مش جاي من تل أبيب

عقبً الإعلامي أشرف عبد المنعم، حول ما أثير من قبل البعض على مواقع التواصل الاجتماعي، بأن الكثيرين باتوا يعبرون عن آرائهم من خلال صفحات السوشيال ميديا، وهذا تطور طبيعي في الإعلام بالعالم كله وليس مصر فقط.

وقال عبد المنعم: في برنامجه الجديد في النور عبر فضائية CTVK " أنا مش مستغرب، لكن البعض يعلق كما لو أني جاي من تل أبيب، إحنا كلنا مواطنين بدولة واحدة، ولما بتحصل مشكلة كلنا بنرفع شعار أنه مفيش فرق بين مسيحي ومسلم، لكن ليه لما بتيجي تتنفذ الفكرة دي بيحصل رد فعل مش لطيف.

وشدد كلنا مواطنين مصريين في بلد واحدة، و"سي تي في" جزء من مصر، وأنا مصري، وأعمل في الإعلام منذ سنوات طويلة جدًا، والله شاء أن أتواجد في برنامج في النور والله يعلم إني لم أسعى لهذا، وهي إرادة ربنا، متابعًا: " بدأت الاتهامات وأن ما حدث هو تسييس للقناة، فهل أنتم تعرفوني؟ هل أنا كنت مشهور؟ أعرف أنا مين من كلامي مش من الكلام اللي بتسمعه عني، الموضوع لا في تسييس ولا في اتجاه لأي مؤامرة، كل الأمر هو التغيير، والتغيير هو سنة من سنن الحياة الثابتة، ومن لا يقبل التغيير لا يستطيع العيش، المهم أن يكون التغيير للأحسن.

وأختتم، خلي في بالك اللي أنا أقدر أنتقده أنت متقدرش تقوله أو تنتقده، أنا اللي أقدر أقول اللي حضرتك تحرج أنك تقوله، لأني بالنهاية مش محسوب على الأقباط، محسوب على المسلمين".