سالي عبد السلام لوالدها في عيد ميلاده: ”بتقفل السكة في وشي وبكلمك تاني”
هنأت الإعلامية سالي عبد السلام والدها بعيد ميلاده برسالة طويلة عبرت فيها عن حبها له، كما كشفت فيها عن تفاصيل حياتها معه.
ونشرت "عبد السلام" صورة لها مع والدها عبر حسابها الخاص بموقع تبادل الصور والفيديوهات انستجرام وكتبت قائلة :"يالهوى ده انا بحبك حب بابى الصورة دى خدناها قبل ما يعمل أشعة الصبغة على شرايين القلب حبيبى ومكانش واكل اى حاجة لحد بليل وأنا عمالة الاعبه وأشغله وهو مش طايق".
وأضافت "كل سنة واحنا يوم عيد ميلانا مع بعض انا على الورق الرسمى زيك وانت يوم عيد ميلادك الحقيقى كل سنة وانت بتقفل السكة فى وشى واكلمك زى الكلبة تانى بعد ما اقولك ابقى كلبة لو كلمتك تانى كل سنة واحنا تقريباً بنتخانق كل يوم والله كل سنة وانا بعرف قيمتك كل ما بكبر وبحبك اكتر وصحابى اللى خسروا ابهاتهم بيعلمونى عشان مندمش وأبطل اخاصمك ووصية نور الهدى متخانقش معاك بحاول ويا رب يا رب يعوضهم يا رب وتبقى انت سندهم!مكنتش اعرف قيمتك زمان انا اسفة ومفيش نصيحة قولتها طلعت غلط بس انت يا بابى بتستفزنى والله ومحدش يجرؤ ينتقدنى ويشتمنى اعمل فيك ايه وبرضه اول واحد يعرف اسرارى وبجرى عليه فى حياتى وشغلى عشان اخد رأيه نت عظيم يا بابى والله" .
واختتمت "اقسم بالله ما بتريق و استظرف دى لحظة نحنحة و حب صادقة كل سنة وانت الراجل الوحيد اللى بخاف على زعله واخاف منه والسند والضهر واكتر واحد بينقدنى وابقى مش طايقاه وبحبه العقرب التؤام الحب الحب الشوق الشوق بحبك يا عم انت والله يا رب يخليلكم ابهاتكم و يعوض اللى فقدوهم يا رب و يارب يفضلوا راضيين عنا ويجعلنا باريين بأهلنا يا رب يبقى سبب دخولى الجنة بركم".
وتفاعل عدد كبير من متابعيها مع المنشور عبر خاصية التعليقات، حيث قال أحدهم:" كل سنة وهو الظهر والسند ليكي، ربنا يخليهولك ويبارك في عمره".
