”مين الأحلى”.. ليلى علوي تظهر مع شقيقتها للمرة الأولى (فيديو)
هنأت الفنانة ليلى علوي شقيقتها الصغرى "لمياء" بمناسبة عيد ميلادها، حيث نشرت مقطع فيديو يحتوى على مجموعة صور عائلية لها مع شقيقتها.
وعبرت "علوي" عن مدى حبها الشديد لشقيقتها برسالة طويلة، إذ كتبت: "4 ديسمبر، يوم ما اتولدت اختي الصغيرة كان يوم مهم جدا في حياتي، ومش ممكن أنساه كنت فرحانة إن بقى ليا اخت، وإني هلعب معاها بس زعلت أوي يوميها عشان ماما باتت في المستشفى، وما كانتش بايتة في البيت بس تاني يوم لما روحت وشوفتها حبيتها علطول، وكنت حاسة إنها العروسة بتاعتي اللي هاخد بالي منها ولغاية النهارده".
وتفاعل عدد كبير من المتابعين مع الصور، معلقين أن ليلى علوي تبدو أصغر من شقيقتها.
وأضافت "بس الآية اتقلبت، بقت هي اللي بتاخد بالها مني وهي العيلة والسند وضهري، وهي اللي بتحفزني على كل حاجة حلوة في الحياة، بعشقها وبحبها، هي إنسانة نادرة بأخلاق الأمراء بجد هي وجوزها، وطلعت بناتها كده كمان،بحبك يا أحلى أخت في الدنيا يا بنتي وصاحبتي وكل حاجة في الدنيا بوسة كبيرة وربنا يخلينا لبعض".
يذكر أن آخر أعمال ليلى علوي الدرامية مسلسل: "هى ودافنشي" الذي عرض في رمضان 2016 وشاركها في بطولته خالد الصاوي، وآخر أعمالها السينمائية فيلم "الماء والخضرة والوجه الحسن"، وشاركها البطولة منة شلبي وباسم سمرة وهو من إخراج يسري نصر الله.
