راندا البحيري تتعرض للنصب من شخص لبناني (صورة)
تعرضت الفنانة راندا البحيري للنصب من قبل شخص يدعي أنه منتج ومخرج لبناني، بعد اتفاقه معها على عمل دور فى مسلسل من إنتاجه بأجر بسيط. مدعيا أنه ببداية مشواره وعدم وجود إمكانيات لديه.
وكشفت ذلك عبر حسابها الرسمي بموقع تبادل الصور والفيديوهات الشهير "إنستجرام"، حيث نشرت صورة للمنتج المزيف وعلقت على الصورة قائلة:" تحذير هذا الشخص في الصوره يدعي إيلي برباري، الأستاذ إيلي برباري كلمني و طلب مني أعمل دور في مسلسل كان بيقول أنه من إنتاجه و إخراجه. و فضل يقولي تلات أسابيع أد إيه هو تعبان علشان يلم فلوس المسلسل و إنه باع بيته و عربيته. علشان ينتج المسلسل. كل ده علشان يتعاقد معايا بفلوس قليله. وانا صدقته و وافقت و قولتله مش مشكله. وروحت لبنان صورت"
وتابعت قائلة: "المهم عرفت و انا هناك بالصدفه انه اصلا مش منتج المسلسل. وان المسلسل له منتج أساسي و ان هو بينفذ بس الإنتاج. و اللي عرفته انه تقريبا اتفق مع جهه الإنتاج علي رقم كبير علشان دي ممثله جايه من مصر، و لازم تأخذ حقها و أجرها. و طبعا ده محصلش. روحت و صورت و الأستاذ اداني جزء من اجري بالعافية و مكنش اصلا عايز يديهوملي خالص و خلصت كل المشاهد اللي طلبها مني. و قالي السفريه اللي جايه هديكي الفلوس او هحولهالك علي مصر وأول ما عمل مونتاج الحلقات و ضمن أنه خلاص مش محتاجني و قفل مسلسله عملي بلوك و مش عايز يديني اجري ولا حتي احترمني ولا احترم بلدي و لا رد علي، انا كلمت النقابه عندنا في مصر و بلغتهم بالإهانة اللي حصلت معايا. علشان يكونوا عارفين حصل لي ايه مع المخرج و منفذ الإنتاج ده"
ثم أضافت " ملحوظه.. الثوره ملهاش اي علاقه باي حاجة و المسلسل موقفش اصلا، و كانوا شغالين كل يوم عادي، و الرجل ده بيقول انه معاه تمويل ودايما كان بيهدد الناس و بيقول انا شغال مع الجيش، مع اني في نفس الوقت شوفته نازل الشارع وسط الثوار عادي جدا".
اقرأ أيضا: تعرف على موعد تصوير مسلسل "الفتوة"
يذكر أن آخر أعمال الفنانة راندا البحيرى، كان مشاركتها فى مسلسل "رسايل" مع النجمة مى عز الدين الذى عرض فى موسم رمضان 2018.
