”سيب البنت تحبك”.. عمرو أديب ينصح متابعيه.. ورجاء الجداوي ترد
قرأ الإعلامي عمرو أديب رسالة وردت له عبر وسائل التواصل الاجتماعي ضمن فقرة "اسأل مع رجاء" في برنامج "الحكاية" المذاع عبر فضائية "mbc مصر".
وجاءت الرسالة كالآتي: "قلبي اتكسر كتير من أقرب الناس على الرغم من صغر سني ومش قادرة أحب وأثق تاني في أي حد مهما كان ومهما كنا أصحاب مبقتش أعرف أعشق لأن قلبي بقا مقفول للأسف".
ورد أديب على الرسالة قائلًا: "بصي يا بنتي مفيش حاجة اسمها حب ومحدش يكسر قلبك ومتحبيش حد وحبي نفسك بس"، مضيفًا: "حبي نفسك في الأول وفي الآخر وشوفي مصلحتك فين وهو الحب كده الحب مصلحة واللي يدلعك ويبسطك هو ده اللي تحبيه".
وتابع: "عاوزين حد يا بنت الناس ياخد باله مننا ويفرحنا ويبسطنا ومفيش أي حاجة اسمها حب خالص".
وأبدت الفنانة رجاء الجداوي اعتراضها على عبارة "سيب البنت تحبك وحب البنت تسيبك" التي يرددها بعض الشباب وذلك ضمن فقرة "اسأل مع رجاء" ،ووصفت الجداوي هذه المقولة بأنها "مقولة ذكورية في مجتمع ذكوري" مضيفة: "الراجل ميقولش لواحدة إنه بيحبها عشان هتتملعن عليه وهتسيبه لا ده مش حقيقي حبوا بعض".
اقرأ أيضًا:بفستان قصير.. ليلى علوي تشعل "إنستجرام"
بينما أبدى أديب إعجابه بهذه العبارة: "هي دي قصة الحياة وانت لو جريت وراها يومك اسود وحسسها إنك مش عايزها خالص والمقولة دي صح حب البنت تسيبك وسيب البنت تحبك، ودي من الجمل التاريخية".
