محكمة الأسرة اليوم 2020| زوج للقاضي: بتأكل أمي فى علبة سمنة
"بتأكل أمي الرز في كيس بلاستيك والطبيخ في علبة سمنة"، بتلك الكلمات وقف الزوج أمام محكمة الأسرة بمدينة نصر ليبرر دعواه القضائية بفسخ عقد الزواج ضد زوجته.
وقال إيهاب البالغ من العمر 38 عاما، ويعمل مدرسا: "تزوجت منذ 9 سنوات، رزقني الله بطفلين، ومنذ اليوم الأول وزوجتي صوتها مرتفع، كثيرة السباب، سليطة اللسان، لا يهمها شيئ ".
وتابع الزوج أمام محكمة الأسرة بمدينة نصر: "زوجتي دايما بتسيب الأولاد عند أمي، وفى يوم طلبت منها تنضف البيت بعد لعب الأطفال، قالتلى هات لها شغالة، أنا مش بخدم حد".
وأضاف الزوج أمام محكمة الأسرة بمدينة نصر: "بحكم شغلى بنام بدري وبصحي بدري، لكن المدام بتشغل التلفزيون دايما بصوت عالي ولما أطلب منها تقلل صوت التلفزيون، عشان أعرف أنام، رفضت وقالت للأولاد أبوكم اتجنن، والأولاد تضحك عليا، والصبح مش بلاقي هدوم ليا نضيفة، ولا بلاقي أكل، ودايما مهملة فى كل حاجة".
واستطرد الزوج أمام محكمة الأسرة بمدينة نصر قائلا: "حسيت فى يوم إني تعبان، فلغيت كل مواعيد الشغل، ورجعت للبيت ودخلت أسلم على والدتي، لقيتها بتاكل الخضار فى علبة سمنة، والرز فى كيس بلاستيك، وبسأل أمي بكت من الحزن على نفسها، ولما بعاتب المدام قالتلى الأطباق دى أهلي اللي جابوها".
وأكمل الزوج أمام محكمة الأسرة بمدينة نصر: "اتقاءا للخناق جبت أطباق جديدة لأمي تاكل فيها، لقيت زوجتي سبت أمي وغادرت المنزل غاضبة، وملقتش قدامي حل غير محكمة الأسرة ".
ومازالت الدعوى رقم 2944 لسنة 2019 تنتظر الحكم".
