محكمة الأسرة اليوم 2020| مراتي بتخلص مصروف البيت على كروت الشحن
"ضيعت فلوسي على كروت الشحن، مبتسيبش التليفون من إيديها"، هكذا برر زوج دعواه بتطليق زوجته أمام محكمة الأسرة بالتجمع الخامس.
وقال الزوج فى دعواه أمام محكمة الأسرة بالتجمع الخامس: " مكنتش عارف إنها مدمنة للإنترنت، واكتشفت ده بعد الجواز، مراتي بتشتري بشكل كبير كروت، بتشتري كروت فكة وكروت شحن للنت بطريقة مرعبة، لدرجة إنها بتستلف كمان".
وتابع الزوج أمام محكمة الأسرة بالتجمع الخامس: "
طول الوقت مشغولة فى الكلام مع أصحابها على الفيس بوك، وحاولت كتير أكلمها وأناقشها بس هى مبتسمعش الكلام، خلصت ميزانية البيت وكمان مهملة فى طلبات البيت، مفيش أكل مفيش تنضيف مفيش وجود ليها وسطنا، الحياة بينا بقت شبه مستحيلة".
وواصل الزوج أمام محكمة الأسرة بالتجمع الخامس: " اتخانقت معاها وطردتها لبيت أهلها، وسيبتها فترة تراجع نفسها، وبرده مصرة على تصرفاتها، فطلبت منها نتطلق بشكل ودي، رفضت فلجأت لمحكمة الأسرة لتسوية الأمور بينا".
ولا تزال الدعوى رقم 249 لسنة2020،منظورة إلى الآن تنتظر الحكم.
