محكمة الأسرة اليوم 2020| طفلة للقاضي: عاوزة أشوف بابا

أنا عاوزة أشوف بابا، وعاوزاه يلعب معايا زي الأول، أنا مش بعمل حاجة غلط"، والأم ترد " مكافأة نهاية الخدمة طلاقي وحرمان بنتي منه "، هكذا وقفت زوجة وابنتها أمام محكمة الأسرة تشكوان للقاضي مافعله الزوج

اقرأ أيضًا: الضابط المزيف.. القبض على عاطل انتحل صفة رجل شرطة فى عين شمس

وقالت الزوجة فى دعواها أمام محكمة الأسرة بروض الفرج: " ١٠ سنين عايشين حياة مستقرة، طول عمري بحبه وشايلة همه، ونتيجة جوازنا كانت سارة، أجمل طفلة فى الدنيا، وملهاش أى ذنب إنها تتحرم من أبوها ".

وتابعت الزوجة فى دعواها أمام محكمة الأسرة بروض الفرج: " بعد الظروف اللي بتمر بيها البلد، الحال وقف وجوزي قعد من الشغل، ضاقت علينا الدنيا، وبنحاول نمشيها، ونزلت اشتغل عشان أشيل بيتي، وحاولت كتير أقف جنبه وشهر ورا التاني، وقرر ينزل من البيت يشوف شغل، وبدا يتأخر ساعات طويلة بره البيت، وفجأة قالى أنا هسافر الغردقة يومين ".
وواصلت الزوجة بدعواها أمام محكمة الأسرة بروض الفرج: " اليومين اتمدوا لأسبوع وعرفت من ناس أصحابي هناك قالولى إنه اتجوز واحدة أجنبية عندها ٥٥ سنة، اتصلت بيه وواجهته لقيته باعتلى ورقة طلاقي، حسيت الدنيا أسودت فى وشي، وبنتي كل يوم تسأل عليه تقولي نفسي بابا يرجع " .

وقالت الطفلة البالغة من العمر ٩ سنوات أمام محكمة الأسرة بروض الفرج: " بابا بطل يجي البيت، هو واحشني، ومش لاقية حد يلعب معايا، أنا بحبه، وأصحابي عندهم بابا وأنا لأ، أنا عاوزة أشوفه، وماما الناس بتضايقها فى الشارع وبترجع بالليل تعيط كتير " .