بعد تعرضه لوعكة.. رامز أمير يكشف تفاصيل حالته الصحية (صور)
طمأن الفنان رامز أمير متابعيه وجمهوره، على حالته الصحية، بعد تعرضه لوعكة صحية، حيث كشف في وقت سابق عن تعرضه لإصابة استلزمت الخضوع لعملية جراحية.
ونشر رامز أمير عبر حسابه علي موقع "إنستجرام" صورة من الآشعة، بالإضافة لصورته أثناء جلوسه علي كرسي متحرك.
وعلق "رامز" على الصور كاتبًا: "الحمد لله أنا دلوقتي فى البيت وبقيت أحسن كتير، إن شاء الله الفترة الجاية هبتدي علاج طبيعى و تأهيل على طول عشان ارجع اتشقلب بسرعة".
وأضاف موضحًا سبب وعكته الصحية حيث كتب: "بالنسبة للإصابة مكنتش حابب أقولكم بظبط هي إيه عشان متزعلوش بس كله عاوز يعرف، أنا جالي قطع فى الرباط الداخلي في الأنكل وكسر فى الشظية ودول اتعملوا فى العملية الأولى، والصورة التانية للحجات اللى كانت جوة رجلى وشيلتها فى العملية التانية".
وأنهى حديثه كاتبًا: "الحمد لله عمر الشقي بقى، إن شاء الله هطمنكم أول بأول، هعيشكم معايا فترة التأهيل، وهوريكم إزاى لما تقع تقوم تاني وتضحك على نفسك كمان، يا رب بس".
اقرأ أيضًا: بسبب علاقتها بأحمد سعد.. خناقة بين ريم البارودي ومتابع تنتهي بالبلوك (صور)
يُذكر أن رامز أمير شارك في السباق الرمضاني هذا العام من خلال ظهوره ضيف شرف في مسلسل "الاختيار" بطولة الفنان أمير كرارة.
