الحوادث

بعد سنوات عجاف... زوج يلقى زوجته من الدور الرابع بسبب الأكل

السبت، 13 يونيو 2020 11:23 مـ بتوقيت القاهرة

"بعد سنين عجاف، جوزي رماني من الدور الرابع، يتمني أموت وميصرفش عليا جنيه زيادة"، بتلك الكلمات المترددة والباكية وقفت الزوجة أمام محكمة الأسرة تطالب بالخلع، وترد على قضية زنا أقامها زوجها بحقها .

وكشفت الزوجة البالغة من العمر ثلاثون عاما، أمام محكمة الأسرة بخل زوجها، مشيرة إلى تمنيه موتها مقابل ألا ينفق عليها جنيها واحدا" 3 ولاد هما اللي طلعت بيهم من جوازتي، وعشانهم استحملت كل حاجة، أنا بعترف إنها غلطتي الجوازة دي من الأول، بس كنت عاوزة أهرب وكفاية على أهلي هم إخواتي".

وواصلت الزوجة أمام محكمة الأسرة: " صبرت كتير على جوزي بعد الضرب والإهانة، وكسرة النفس ليا ولولادي، وقررت أعيش بولادي الصغيريين، وأشتغل عشان أقدر أكفي عليهم أكل، بعد مابخل أبوهم خلاهم بطلوا ياكلوا كمان ".

ووصفت الزوجة أمام محكمة الأسرة فقر أهلها الشديد الذي جعلها تصبر على هذا الفرعون، ويتبعها صمت أهلها خوفا من إعالة أطفالها بعد طلاقها، "استغل جوزي نقطة ضعفي وضعط علينا، وكل يوم نوع جديد من الإهانة، لدرجة إن إحيانا بيحرمني من الأكل أنا والولاد ودخول الحمام ويحبسنا فى أوضة ضلمة ويقفل بالمفتاح".

وأضافت الزوجة أمام محكمة الأسرة أن جارتها هى من اقترحت عليها الخلع، وأكدت لها حصولها على الشقة لأنها حاضنة، وذهبت بي لمحامية تساعد السيدات دون مقابل، "روحت معاها عشان أهرب من حياتي مع جوزي، بس مكنتش عارفة إن انتقام جوزي هيكون بالقسوة دي، بعد ماجه البيت وضربني لحد مانزفت دم من كل مكان، وحدفني من الدور الرابع "

اقرأ أيضًا: دعوى مستعجلة لإلغاء مهرجان القاهرة السينمائي بسبب كورونا

واختتمت الزوجة أمام محكمة الأسرة :" رحمة ربنا هي اللي أنقذتني عشان خاطر ولادي، بس حاليا أنا قعيدة ومكسورة، وأهلي رفعوا عليه قضية شروع فى القتل، بس هو رد باتهامه فى شرفى، عشان يهرب من العقوبة، وقال إن ده كان رد فعله لما شافنى مع راجل تاني فى سريره، ولسه لحد دلوقتي بحارب عشان حقي ".