زوج بمحكمة الأسرة: مراتي سرقت فلوسي وكرامتي

"مراتي سرقت فلوسي، وبتمد إيديها عليا، وفى النهاية بتديني مصروف يومي زي الولاد"، هكذا وقف الزوج أمام محكمة الأسرة يروي قصته ردا على قضية الطلاق التى أقامتها زوجته ضده.

 

اقرأ أيضًا: في قضية التحريض على ”الدعارة”.. نظر تجديد حبس شيري هانم وابنتها

 

قال الزوج فى رده على دعوى زوجته بالطلاق أمام محكمة الأسرة: "10 سنين جواز، قضيتهم معاها، بسببها كرامتي ضاعت، كنت بسببها أراجوز المنطقة، كانت بتمد إيديها عليا، وأحيانا كانت بتمد جزمتها فى وسط الشارع، وكنت بسكت بسبب تهديدها بحرماني من ولادي، وخصوصا بعد مازادت تهديداتها وأجبرتني أبيع كل أملاكي غصب عني".

وتابع الزوج فى رده على دعوى زوجته بالطلاق أمام محكمة الأسرة: "هى السبب فى السكر والضغط بسبب ظلمها ليا، واستغلالها لعدم امتلاكي شيئا أدافع به عن نفسي، وزلتني عشان آخد منها مصروف فى إيدي، بسببها ولادي كانوا بيحتقروني، وخصوصا لما ييشوفوا أمهم بتقطع هدوم أبوهم فى نص الشارع، لو رفضت طلب ولا فكرت أرد عليها".
وواصل الزوج أمام محكمة الأسرة: "صبرت عليها وعلى تصرفاتها، عشان أعيش وسط أولادي، بس فى النهاية طردتني من بيتي وخلتني أنام فى الشارع من غير مأوى، وذهبت لمحكمة الأسرة عشان تطلقني، بعد ما أخدت مني كرامتي وفلوسي وولادي وصحتي".