محكمة الأسرة اليوم.. الأب يتزوج لأجل الولد وبناته بتنام فى الشارع
"طردني أنا وبناتي، بعد 25 سنة عشرة طويلة، رمانا فى الشارع عشان واحدة تانية، وكل ده عشان مخلفتش ولد" هكذا بررت زوجة دعواها للخلع أمام محكمة وتمكينها من مسكن الزوجية ومطالبة بنفقة لها ولبناتها الثلاثة.
وقالت الزوجة فى دعواها أمام محكمة الأسرة أنها تزوجت منذ 25 عاما، ورزقها الله بثلاث فتيات، حياتها كانت هادئة لا يشوبها قلق "لحد ماخلف بنتي الصغيرة، كلن بيعاملها وحش، بيضربها دايما وكل ده عشان كان عاوز ولد، ولما وصلت ل-15 سنة، بيتخانق معاها لأتفه الأسباب".
اقرأ أيضًا: ضبط 25 فدان مزروعة بانجو في النوبارية بالبحيرة (صور)
وتابعت الزوجة أمام محكمة الأسرة أنها فوجئت بزواجه عليها زميلته فى العمل، والتي وافقت على خراب بيتها ببساطة "وسكنت معانا فى البيت، وبدأت تتشرط على بناتي، اعترضوا عليها وعلى أوامرها، وبدأوا يزعقوا لو هى حاولت تتعرضلي، بناتي اللي ثاروا على والدهم وهما طول عمرهم بيحبوه ويحترموه".
وواصلت الزوجة أمام محكمة الأسرة: "بنتي الصغيرة اللي دايما كان يعاملها وحش، وزرع الكره والقسوة جواها، بدأت تتخنق من أوامر الزوجة الجديدة" لتواصل الزوجة بأن صغيرتها قد بدأ يعلو صوتها على والدها، لتثير غضبه وقام بطردنا جميعا من الشقة وغير كالون الباب، ومنعنا كم الدخول.
وأكملت الزوجة أمام محكمة الأسرة: "أهلي وأهله حاولوا يتكلموا معاه رفض أي نقاش، وبيسمع بس لصوت شيطانه، ورامي بناته فى الشارع، فمكنش قدامي غير محكمة الأسرة عشان أرفع قضية، فوجئت بطلاقي غيابي"، فأسرعت الزوجة إلى المحامي العام لتمكينها من مسكن الزوجية برفقة بناتها، ولا تزال الدعوى منظورة إلى الآن تنتظر الحكم.
