”ده راجل يعمل اللى هو عاوزه”.. الزوجة تتحدى الجميع وتطالب بحمايتها
"وماله دا راجل يعمل اللي عاوزه، أهلى دمروا حياتي بسبب الكلمة دى"، هكذا وقفت زوجة أمام محكمة الأسرة تطلب الخلع من زوجها بسبب إهانته ومتحدية الجميع.
جاءت بداية الواقعة عندما دخلت زوجة لمحكمة الأسرة تطالب بخلع زوجها وحمايتها منه ومن أهلها قائلة : " 4 شهور عايشاهم معاه، اتحملت معاه كل حاجة حتى تجاوزاته المستمرة، وبخله واعتماده على مرتبي، ولو الفلوس خلصت بنكمل الشهر عيش وجبنة قديمة، ولو طلبت فلوس من مرتبه بيقولى أنا بحوش عشان مستقبل ولادنا ".
اقرأ أيضا: سقوط 244 متهما وتحرير 30 محضرا تموينيا خلال حملة بالقليوبية
وتابعت الزوجة أمام محكمة الأسرة أن زوجها ازداد بعنفه ضدها، وبدأ خيانتها والعلاقات المحرمة مع النساء : " سابني بعاني من الحاجة وأمد إيدي للناس، وبدأ يصرف الفلوس على الستات اللى بيرافقهم، ورماني أنا وبنته من غير أكل وفلوس، ولما روحت اشتكيت لأهلى قالولى وماله ده راجل يعمل اللى هو عاوزه".
وأضافت الزوجة أمام محكمة الأسرة أن آخر خلاف بينهما كان بسبب إجهاضه لها، فقد ضربها بشدة وببطنها كثيرا إلى أن وصلت للنزيف "سابني بعدها وسرق دهبي ونزل، ولما لجأت لأهله وأهلى قالولى وماله ده راجل يعمل اللى هو عاوزه، فصممت إني آخد حقي من الراجل ورفعت دعوى خلع وأنا قاعدة معاه، وتحديت الجميع ".
