هشام سليم يدافع عن نجله قبل أن يغادر مصر: ارحموه عشان يعرف يعيش (فيديو)

وجه الفنان هشام سليم، رسالة إلى منتقدي نجله "نور" بعدما أثار جدلا واسعا بإعلانه أنه لم يكن لديه خلل هرموني كما قال والده، ولم يجر عملية تصحيح بل تحويل جنسي من فتاة لرجل.

وقال هشام سليم، خلال مداخلة مع برنامج "et بالعربي"، مساء الثلاثاء، إنه يرى أن ما فعله نجله "نور" شجاعة منه، حيث أنه يحاول أن يجعل الناس يفهمون الحقيقة ولا يختبئ وراء الستار.

وأضاف هشام سليم: "أنا مقولتش كلام مختلف، أولا أنا مابشوفش الحاجات دي، ومش بقرأ الحاجات دي، ولكن في ناس كلموني وقالولي، فعلا مش عارف قال تحول أو تعمد مش عارف إيه الخلاصة".

اقرأ أيضا| رسالة مؤثرة من نجل هشام سليم: أشعر بأني وحيد وأمر بفترة صعبة

وأكد هشام سليم أنه دائما يخبر نجله "نور" أنه سيمر بممرحلة خطيرة وأصعب من كل المراحل التي مر بها في السابق، مضيفا: "مش عاوز أقول هو غلطان إنه بيقول الصراحة، لأن مع الأسف أنا متربي على كده، الناس بتقول عليه إنه ميعرفش ربنا وأن ربنا هيحرقه، ابني مابيدورش غير على كلمة واحدة اللي هي الرحمة، ارحموه، عاوز الرحمة علشان يعرف يعيش".

وكشف هشام سليم أن نجله "نور" يمر بظروف نفسية صعبة تؤثر عليه وعلى كل الأسرة، وأنه في هذه الحالة سيضطر للعيش خارج مصر: "أنا عاوز ابني يعيش قريب مني، وأنتوا بترغموه بقسوتكم أنه يدور على حته تانية يعيش فيها".

ابن هشام سليم يدافع عن سارة حجازي

وأثار نور هشام سليم، جدلا كبيرا على مواقع التواصل الاجتماعي بعد ظهوره في مقطع فيديو جديد بثه عبر "استوري إنستجرام"، ليعلن أنه لم يقم بعملية تصحيح جنسي، ولكنه متحول جنسيا بكامل إرادته.

ودافع نور هشام سليم، الأحد الماضي، عن المثليين ومعاناتهم في التعامل مع الآخرين، وعن الراحلة سارة حجازي التي انتحرت منذ أيام، قائلا: "اللي راضي بيا ومش راضي بملك الكاشف يبقى منافق، اللي راضي بيا ومش راضي بسارة حجازي يبقى منافق، واللي هييجي يقول لا أصل ده الدين وده الإسلام، لا، ده دينك أنت وحياتك أنت، وبراحتك تفكر بطريقتك بس ماتفرضش دينك عليا أو على سارة".

تابع: "فين الإنسانية يا جماعة، اللى هييجي يقول لا أصل أنت عادى بس المثليين والمثليات حرام، هقولكم حاجة أنا مكنشي عندي خلل هرموني، ولا حاجة، ده مكنشي تصحيح، ده كان تحويل، فأنا قدام ربنا اللي عملته ده غلط، بس أنتوا كلكم ماشيين حبيبي يا نور وأنت زي القمر وعيش مبسوط، بس سارة حجازي ماتت بس أحسن وإن شاء الله الدود ياكلك".

استكمل: "هتقولوا عليا كده لما أموت؟ عادي مش فارقلي، بس لو أنت بتشرب وبتزني وبتحشش، أنا زيي زي سارة حجازي، واللى مش راضي بيها مش راضي بيا، واللى مش راضي بيها مش عاوزه عندي".