”من الإمارات إلى طنطا”.. نهاية سيدة زنا كفر الشيخ بسجن النساء
"مرتدية عباءة سوداء وطرحة حمراء وكمامة زرقاء وشنطة بيضاء بها زجاجة مياه".. هكذا ظهرت سيدة زنا كفرالشيخ صباح اليوم أمام الباب الخلفي من محكمة كفر الشيخ، بعد صدور قرار من النيابة بترحيلها إلى سجن النساء بطنطا.
كانت نيابة بندر كفر الشيخ أمرت بحبس سيدة كفر الشيخ المتهمة بالزنا مع أشخاص من دول خليجية 4 أيام على ذمة التحقيقات، كما كلفت النيابة سرعة تحريات المباحث حول الواقعة.
اعترافات المتهمة
"ايوه الفيديوهات دي بتاعتي، واحد اسمه وليد كان عايز ينصب عليا وهددني بفضحي ونشر صور ليه علي الإنترنت".. هكذا اعترفت "سمر.م" أمام نيابة كفر الشيخ الجزئية بما نسب إليها من تهم مسيئة لها.
وأضافت المتهمة: "ايو أنا كنت بكدب على جوزي إني شغالة في مصنع ملابس في الإمارات، وأنا مكنتش رايحة أشتغل أساسا في المصنع".
وتابعت: "اتعرفت على شوية بنات صحابي عرضوا عليا إني أسافر فقلت مش هضيع الفرصة من أيدي، وساعتها أقنعت جوزي بإني أسافر وبالفعل سافرت، ولقيت الدنيا هناك كلها فلوس ومصالح، فكان بيقلي بتشتغلي أي هناك كنت بقلوله بشتغل في مصنع وكنت ببعتله دراهم وهو كان راضي".
اقرأ أيضا: ”الفيديوهات بتاعتي وكنت براضي جوزي بالدراهم”.. اعترافات مثيرة للمتهمة بالزنا في كفر الشيخ
واستطردت: "حصلت خلافات بيني أنا و(وليد عمارة)، بسبب طمعه في فلوسي وكنت بقلوله دا رزقي وربنا كتبهولي وهوكان عايز ياخد كل حاجة لنفسه علشان كان بيوفرلنا شغل، واخدت منه فلوس ورجعت علي مصر وبعدها بدأ يبعت صوري لزوجي وفيديوهات، وبعد ما شاف جوزي الفيديوهات اخد هاتفي، وأنا هربت وسبت عيالي عند أمي".
كانت أجهزة الأمن بمديرية أمن كفر الشيخ ألقت صباح يوم الثلاثاء الماضي ألقت القبض على سيدة متهمة بممارسة الدعارة مع رجال أغراب في دول عربية، بمقابل مادي، داخل حمامات محكمة كفر الشيخ الجزئية.
