ساويرس: جدتي كانت بتحكم بلد واللى يغلط فى حد صعيدي أمه داعية عليه
قال رجل الأعمال نجيب ساويرس، رئيس شركة أوراسكوم للاستثمار القابضة، في تعليقه على بعض الأحداث في الصعيد، إن الصعايدة لديهم كلمة واحدة والعديد من الخصائل الجيدة.
مضيفا: "إحنا الصعايدة عندنا خصال كويسة كتيرة جدا، وكلمتنا برقبتنا، يعني لا يمكن ندي كلمة ونرجع فيها، ومش بنسب طارنا أبدا، يعني اللي يغلط مع واحد صعيدي أمه داعية عليه، لأن إحنا لا يمكن نسيب حقنا، ومش بنستسلم بسهولة".
وتابع ساويرس خلال مداخلة هاتفية مع الإعلامي سيد علي، بقناة الحدث في برنامج حضرة المواطن: "أنا جدتي كانت بتحكم بلد وكان مفيش محافظ ييجي اللي لما يعدي عليها، يعني كان نابها أزرق، وجدي مكنش يقدر يكسر لها كلمة".
اقرأ أيضا: ”مش هعمل ذي الأرامل”.. ساويرس يكشف أسباب استثماره في الذهب
وأضاف ساويرس في رده على سؤال من سيد علي عن ترشحه لرئاسة النادي الأهلي بأنه في وقت لا يسمح له بانشغال البال، قائلا: "أنا في مرحلة من حياتي مش عايز أشتغل كتير والنادي الأهلي محتاج تفرغ، وعايز أعمل خير وانبسط بالحياة".
وعن أسباب اتجاهه للاستثمار في الذهب، أوضح أنه اتجه للذهب عقب بيعه شركة موبينيل العالمية التي أنشأها من اللاشئ، وأدرت له عائدا كبيرا، وكان بها نحو 4.5 مليون مشترك ومن أكبر 10 شركات اتصالات في العالم، مضيفا أنه يستثمر في الذهب باعتبار أنه مدير جيد، وكان عليه أنه يفكر في استثمار جديد، موضحا: "مكنتش عايز أعمل ذي الأرامل أجيب ذهب وأخزنه، لكن اشتريت شركة مناجم تملك حقوق الاستكشاف عن الذهب، مثل التي اشتريناها من وزارة البترول، ونستكشف عن الذهب وحين نجد المكان ننشئ منجم، ويكون المكسب هو الفارق بين تكلفة الاستخراج وبيع الذهب في السوق العالمي".
