”تعرضت لتطاول جسدي”.. مريم الخشت تروي تفاصيل تعرضها للتحرش (فيديو)

حلت الفنانة مريم الخشت، ضيفة مع الإعلامية سمر يسري في برنامجها "يوم ليك" المذاع عبر شاشة قناة "الحياة" الفضائية، حيث أثارت ضجة بتصريحاتها الجريئة.

وتحدثت مريم الخشت عن تعرضها للتحرش، وقالت: "مفيش واحدة متعرضتش للتحرش.. على الأقل حتى لو تحرش لفظي وأول تحرش استحالة يتنسي.. أنا حصلي تحرش لفظي كتير وكمان تعرضت لتطاول جسدي في الشارع سواء كنت لوحدي أو معايا صاحبتي".

وكشفت عن تفاصيل تعرضها للتحرش قائلة: "مرة كنت ماشية مع واحدة صاحبتي وكنت جنب بيتي في الدقي، وظهر واحد في وشنا وقرر يعدي من وسطينا وطبعًا مش هيعدي وهو ساكت ولكن مش هقول تفاصيل".

وتابعت: "لكن هو شايف إن الموضوع عادي جدًا، وبسبب عدم تصديقنا وقفنا اتصدمنا، وأنا مكنتش لابسة حاجة تستفزه ولو حتى لابسة فهو اللي غلطان".

اقرأ أيضًا: محمد منير: جهات أمنية اعترضت على تعيين شقيقي مرشدا سياحيا.. وعندي 18 حفيدا (فيديو)

وأعربت مريم الخشت عن اهتمامها بقضايا المرأة معلقة: "أنا بركز مع المرأة ودائمًا بتناقش في قضايا المرأة خاصة لو حاجة أستفزتني ونقدر نقول دلوقتي إننا بدأنا نشوف ردود أفعال من الناس على ظاهرة التحرش وكويس أنه بقى في لغة حوار في الموضوع ده".

ويشار إلى أن الإعلامية سمر يسري استضافت في حلقتها مؤخرًا عبر شاشة قناة الحياة كلًا من محمد الشرنوبي ومريم الخشت.