تامر فرج ردا على حملة ”نتفرج بعدها نحكم”: ينفع البس شخصية السادات ملابس بن لادن
حرص الفنان تامر فرج، على التعليق على حملة "نتفرج وبعدها نحكم" التي أطلقها قبل ساعات عدد من الفنانين، بعد قرار وقف تصوير مسلسل "الملك- أحمس" للفنان عمرو يوسف، بعد التعليقات التي ترى وجود أخطاء ومغالطات تاريخية في العمل، عقب طرح البرومو الرسمي.
تامر اعترض على وجهة نظر الفنانين المطالبين بعرض المسلسل قبل الحكم عليه، وأعاد نشر منشورًا كتبه ابنه علي والذي يبلغ من العمر 15 عامًا، على موقع "فيسبوك"، جاء فيه: "ينفع أعمل مسلسل البس فيه الممثل اللي عامل شخصية السادات لبس بن لادن؟، الاجابة لا عشان فيه ناس صغيرة هتشوف العمل ده، عشان فيه ناس هتتحفر في دماغها إن ده كان منظر الرئيس السادات".
وتابع علي "أنا واحد اتربى على فيلم ولاد العم فلحد النهاردة بالنسبالي الظابط المصري كريم عبدالعزيز، ولما شفت شريف منير في الممر كنت مقتنع ان اسمه الحقيقي دانيال، مش هتتشال من دماغي، فمفيش حاجة اسمها اتفرج وبعدين احكم، ده عمل بيتناول قصة تاريخية هيحكي تاريخ يبقى نحكيه صح لإن على اد ما تبان دي تفصيلة صغيرة على قد ما هي فعلا تفصيلة مهمة جدا".
وعلق تامر فرج "ده تعليق لابني اللي عنده 15 سنة، ولا تعليق".
"الملك" مأخوذ عن رواية "كفاح طيبة" للكاتب نجيب محفوظ، إخراج حسين المنباوي، بطولة عمرو يوسف، صبا مبارك، ريم مصطفى، ومجموعة كبيرة من الفنانين.
