نيللي تكشف تفاصيل زواجها بدون علم أسرتها في سن الـ17.. والدغيدي: أكيد اتزنقتي في ليلة”

كشفت الفنانة نيللي كريم أنّ زيجتها الأولى كانت بدون علم أهلها وهي في سن الـ17سنة.

وقالت خلال لقائها ببرنامج "شيخ الحارة والجريئة" الذي تُقدّمه المخرجة إيناس الدغيدي على شاشة "القاهرة والناس"، مساء الخميس: "لو بنتي عملت كده هاقتلها.. اللي أنا عملته ده كان غلط لكني مش ندمانة".

اقرأ أيضًا: نيللي كريم عن مشاهد الإثارة في الأفلام: ”محدش عرض عليا بوسة”.. فيديو

وأضافت: "أنا اتجوزت عن قصة حب وخلفت أحلى ولدين كريم ويوسف.. أهلي كانوا رافضين لإني كنت صغيرة مش علشان زوجي".

وتابعت: "أهلي كانوا يعرفوه كويس، كانوا عارفين إن فيه حاجة هتحصل لكن مش دلوقتي لإن سني صغير.. حصل اللي حصل بقى واتجوزنا"، فيما عقبّت الدغيدي: "مش هاحرجك أكتر من كده.. أكيد اتزنقتي في ليلة".

اقرأ أيضًا: سماح أنور عن سمير صبري: جمعتنا صداقة حميمة.. وزعلت لأننا لم نتزوج

وأكملت: "أخويا ثار من الغضب لكني مضربنيش.. أنا بغبائي قولتله عن اللي حصل وهو سايق العربية، وقالي أنا هاقتله".