الزوجة اللعوب ودهاء عشيق.. أسرار جريمة العشق الممنوع على ضفاف ترعة المريوطية

جريمة قتل بشعة اشتركت فيها أم لسبعة أولاد، للتخلص من والدهم والهرب مع عشيقها، بحجة إهماله لها وتعديه عليها بالضرب، حيث وجدت المتهمة بعض المبررات لفعلتها، لتذكرها أمام اللواء محمد عبد التواب مدير مباحث الجيزة، خلال تحقيقاته معها.

وظهرت الزوجة المتهمة بأداء أقل ما يتم وصفه بالرائع، أمام تحقيقات النيابة العامة ظنا منها أن هناك مفر من مواجهة عقوبة فعلتها الدنيئة، قائلة: "معشتش معاه يوم عدل، مشفتش لحظة حنان واحدة، مع اننا اتجوزنا عن حب، ولكن بعد الجواز كل حاجه اتغير حالها واتحول حبنا الكبير لعذاب ودموع أكبر واكتر".

مضيفة : "البداية كانت مع اهمالع ليا وسهره بره البيت لوش الصبح، وبقي عندي وقت فراغ كتير، فعملت حساب على الفيسبوك، وابتديت اتعرف علي اصحاب يأنسوا وحدتى، وأغلبهم كانوا رجاله عشان اعوض النقص والحرمان اللي كنت عيشاه بسبب جوزي"

وتابعت: "اتعرفت على عشيقي ده من الفيسبوك، في الأول كان مجرد صديق بحكيله وبيسمعنى وبيهون عليا، وحكتله عن معاملة جوزي ليا وإزاي بيهينى وبيضربنى، وابتدا يوعدنى أنه يعوضنى وينسينى كل ده، لحد ما صدقته فعلا".

وتضيف: "مع الوقت شغل كل حياتى وبقي كل اهتماماتى، وجوزي حس بكده خصوصا بعد ما أهملت الأولاد، فلجأ جوزي للأهل عشان يصلحوا بينا، وأنا وافقت بعد ما عشيقي نصحنى إنى أريحه عشان ميركزش معانا".

وتوضح "طلب منى عشيقى السفر للقاهرة عشان ننفذ اتفاق التخلص من جوزي، واختارى لي حجة لإقناع زوجى بسفرنا وفعلا اقتنع وسافرنا، بحجة الحفاظ على أسرتنا من الضياع والتفكك، وتجديد شهر العسل وبعد 20 يوما من وصولنا القاهرة بغرض الزيارة والتنزه، اتصلت بيه لتنفيذ وعوده بالتخلص من الزوج لإتمام عملية الزواج به".

وتؤكد: "أقنعت جوزي نخرج فى نفس الوقت كان عشيقي وصاحبه "مسجل خطر من البدرشين"، مستنينا عشان ينفذوا ويقتلوه، وسبنا الأولاد في البيت بحجة نبقي لوحدنا في ليلة رومانسية، وأول ما وصلنا للمكان سلمته للعشيق وصاحبه اللى استدرجوه وهجموا عليه بالضرب بعصاية على دماغه ووقع مغمى عليه".

واختتمت المتهمة: "قاموا رابطينه بالحبال لحد ما اتأكدوا انه مات ورموه في ترعة المريوطية، ورجعت البيت، وسألنى ولادى عنه وقلتلهم انه سافر لمحافظة قريبة وهيرجع بعد يومين".

اقرا ايضا جيرة بلون الدم.. المشهد الأخير في حياة شاب بعين شمس

وجرفت المياه جثة الضحية على السطح، أمام قرية أبو صير، حتى عثر عليها الأهالى، وتقدموا ببلاغ للواء رجب عبد العال مساعد أول وزير الداخلية لأمن الجيزة، وتوجه على الفور المقدم عمرو فاروق رئيس مباحث الحوامدية ومن خلال الفحص تبين أن الجثة لشخص يحمل جنسية دولة عربية ويبلغ من العمر 41 سنة وبحوزته جواز سفره.

وتم تشكيل فريق بحث لكشف غموض وظروف وملابسات الحادث وسرعة ضبط مرتكبيه. واتضح من التحريات الأولية لرجال المباحث أن وراء ارتكاب الحادثة زوجة المجني عليه ربة منزل 37 سنة وتحمل ذات جنسية الزوج بمساعدة صديقها عامل 26 عاما، ومقيم بالبدرشين وله معلومات جنائية الذي استعان بمسجل خطر 51 عاما.

وعقب تقنين الإجراءات، تم ضبط المتهمين وبمواجهتهما اعترفا بارتكاب الواقعة ودور كل منهما في ارتكاب الجريمة.