أحمد زاهر يكشف حقيقة اعتدائه على صحفي في جنازة دلال عبدالعزيز (فيديو)
حرص الفنان أحمد زاهر، على شرح ملابسات الموقف الذي تعرض له وأسرته في جنازة الفنانة القديرة دلال عبد العزيز.
وخلال مداخلة هاتفية مع الإعلامي يوسف الحسيني، مقدم برنامج "التاسعة"، عبر شاشة قناة الأولى المصرية، أوضح أحمد زاهر: "اللي حصل كان شيء عجيب، بنتي ليلى كانت منهارة بشكل غير طبيعي لأن علاقتها بالفنانة الكبيرة رحمها الله أستاذة دلال عبد العزيز كانت بتعتبرها زي أمها. حاول أكثر من مرة يصور بالموبايل، فأنا باقول له من بعيد لأ بلاش. مش فاهم إيه السبق في إني أجيب حد منهار من العياط".
اقرأ أيضا: أول تعليق من رامي رضوان وحسن الرداد بعد قرار الرئيس بإطلاق اسم سمير غانم على أحد الكباري
وأردف: "خرجنا بره مكان الدفنة خالص، عشان نروح لغاية العربية ونركب، لقيته داخل بالموبايل في بقنا، مش مثلا بيصور من بعيد، وبعدين أصلا أعرف منين إنه صحفي. كل اللي عملته قلت له بتعمل إيه، خدت الموبايل من إيده اليمين حطيته له في إيده الشمال، وقلت له عيب كده، أنا قلت لك أكتر من مرة بلاش تصور، وسيبته ومشيت، مجرد ما إتحركت قعد يشتم".
وأختتم النجم أحمد زاهر حديثه قائلا: "معرفش ليه ادعى هذا الادعاء، ويشاء ربنا سبحانه وتعالى صدفة يبقى في أكثر من صحفي معروف موجود وشاف الواقعة بعينه، أنا مردتش لإن دي لا أخلاقي ولا تربيتي."
