طارق الشناوي يكشف سبب تربع الهضبة ومحمد منير على قمة الغناء لمدة 40 عاما: ”عمرو دياب استفاد من التكاتك” (فيديو)
أوضح الناقد الفني طارق الشناوي كيف تمكن الفنانان الهضبة عمرو دياب، والكينج محمد منير من التربع على القمة لمدة 40 عاما بذكاء، لدرجة أن عمرو دياب استفاد من التكاتك.
وخلال لقائه مع الإعلامي يوسف الحسيني، مقدم برنامج "التاسعة"، عبر شاشة قناة "الأولى المصرية"، قال طارق الشناوي: "هما عملوا حاجة مهمة جدا، مدخلوش في معارك ضد أي حد بيطلع، اللي يطلع وينجح ينجح، وأستفيد منه، أفهم هو نجح ليه، حتى لو إنت بتغني مهرجانات أو راب، أو بتغني كلام ممكن أنا مقدرش أقوله، أستوعب كل حاجة".
اقرأ أيضا: رنا سماحة تكشف تفاصيل ”حبيب مامي”.. هدية مولودها المنتظر
وأردف قائلا: "مثلا عمرو دياب استفاد من التكاتك، لو إنت بتتابع التكاتك حتلاقي دايما على ظهر التوكتوك حكمة مكتوبة، الكلام ده ثقافة، والثقافة دي حتلاقيها في أغاني المهرجانات، هو خدها ناحيته وقدمها".
ويذكر أن طارق الشناوي، حرص التعليق على قرار ضم نجوم الفن لمنظمة الحماية الصحية والتاريخية، حيث وصف هذا القرار بأنه تاريخي لصالح الإبداع، وبالتالي لصالح المواطن، مشيرا إلى أهمية زيادة إحساس النجوم بالواجب الاجتماعي.
وخلال لقائه مع الإعلامي يوسف الحسيني، مقدم برنامج "التاسعة"، عبر شاشة قناة "الأولى المصرية"، علق الشناوي على حكايات معاناة الفنانين قائلا: "كثير من الحكايات تصب في حاجة واحدة، إن الفنان محتاج لحماية، وسيادة الرئيس فعلا وفر ده، والنقابات وفرت ده، بس في جزء اجتماعي يجب إن إحنا نقوله، إن كثير من نجومنا لا يلعبوا هذا الدور".
وأردف قائلا: "النجوم الكبار بره بيقولوا اللي عايز يقعد معايا يدفع فلوس، مواطن عايز يقعد معايا يدفع فلوس، الفلوس دي مش هاخدها، هيبعتها للملجأ أو للنقابة اللي هو عضو فيها عشان تصرف على اللي مش قادرين، أنا رأيي إن إحساس النجوم بالواجب الاجتماعي يجب أن يزيد".
