زوجة لمحكمة الأسرة: اتهمنى فى شرفى مع واحد من الجيران

وقفت ربة منزل أمام محكمة الأسرة في الجيزة، بعد أن رفعت دعوى خلع، بسبب شكوك زوجها فيها، واتهامه لها في شرفها بأنها اقامت علاقة مع أحد الجيران.

وروت الزوجة، حكايتها فى دعواها أمام محكمة الأسرة فى الجيزة، حيق قالت: " تزوجت منذ 15 سنه من شاب يحمل مؤهلاً فوق المتوسط، وأنجبت منه ولدًا وبنتًا، وكنت أعمل بإحدى شركات المقاولات الكبرى، وهو كان شغال موظف فى بنك معروف ، وعلى الرغم من كده كان بيطالبنى دايما إنى أسيب شغلى"إزاى وإزاى أ شتغل ويبقا راتبى اعلى منه ، مع إنى كنت بدفع أغلب مصاريف البيت.

وتابعت الزوجة:  "فقمت بالتنازل عن الشغل علشان أريحه وأخلص من المشاكل علشان بيتى وأولادى، ولكن بعد ما سيبت الشغل لقيته بيقصر فى الإنفاق على البيت، وكنت بجيب من أهلى علشان أكفى بيته وهو حاطت إيده فى ميه باردة، لحد ما شكلى بقى وحش قدام أهلى، واضطريت أرجع اشتغل أى حاجة علشان ما اطلبش من أهلى تانى على الرغم إنهم ما كانوش بيرفضوا يساعدونى فى أى وقت".

وأكملت: "رجعت أشتغل تانى وكنت فاكرة إنه هيسكت ويبطل مشاكل معايا، لقيته بعد كدة بيتهمنى فى شرفى  مع أحد  الجيران، وترك لى البيت لمدة 4 أيام ، ولذلك لجأت لمحكمة الأسرة فى الجيزة، وما زالت القضية منظورة أمام المحاكم".