«الخطوبة قريبًا».. محمد رشاد يعلن ارتباطه بعد انفصاله عن مي حلمي

كشف الفنان محمد رشاد عن ارتباطه مجددًا بعد عام من انفصاله عن طليقته الإعلامية مي حلمي مقدمة برنامج "الحكم"، لافتًا إلى أنه سيحدد موعد الخطوبة خلال الفترة المقبلة.

وتحدث رشاد خلال لقائه برنامج ET بالعربي،عن أجدد أغانيه، وتوجيهه رسائل إلى طليقته مي حلمي، قائلا: "مش بوجه رسائل مبطنة لحد، الموضوع مش مقصود، الفكرة إن ربنا بيبعتلي حاجة في الوقت ده، والناس بتربط الأحداث ببعض، وده مش حقيقي، وأغنية أنا مش شمتان؛ ملهاش علاقة بأي حاجة".

وتابع الفنان الشاب: "بتضايق من تعليقات الناس، إنك لما تكون في حته تانية ومركز في شغلك، تلاقي الناس مصممة تربطك بحاجة تانية، وأنا كـ محمد رشاد، مهتم إني أسمع وأنفذ أغنية حلوة بشكل محترم، وماليش دعوة الناس هتستقبل الأغاني إزاي، عشان أنا بركز في الأغنية اللي بعدها".

وأضاف: "وأغنية ابن الأصل، بتتكلم عن الشخص اللي بيتعامل بالأصول، وبيقابل ناس مش حلوة في حياته، ومش بتتكلم عني، إنما دي حالة عامة ممكن يعيشها أي حد".

وفي سياق آخر طرح الفنان محمد رشاد طليق مي حلمي أغنيته "أنا مش شمتان"، على حسابه الرسمي على موقع التواصل الاجتماعي "فيس بوك"، بعدما أصدرت نقابة الإعلاميين، قرارها بمنع ظهور مي حلمي على أية وسيلة إعلامية ووقف برنامجها "الحكم" المذاع على قناة الحدث اليوم.

اقرأ أيضا: رامي رضوان: دلال عبد العزيز بتفكر مين محتاج إيه حتى في مرضها (فيديو)

وكتب "رشاد" على فيديو الأغنية: "أنا مش شمتان لكن من حقي إن أنا أفرح إنك زعلان".