ماذا قال نجوم الفن عن واقعة عروس الإسماعيلية؟: «اللي يمد إيده على ست يبقى لا مؤاخذة»
أثارت واقعة عروس الإسماعيلية، التي تعدى زوجها عليها بالضرب يوم زفافها، الكثير من الجدل عبر مواقع السوشيال ميديا ووسط نجوم الفن، حيث اتخذوا الفنانين مواقع التواصل الاجتماعي منصة لهم للتعبير عن رفضهم لتلك الواقعة.
وأرعبوا نجوم الفن، عن استيائهم الشديد للواقعة بين رفض الضرب ومن إتمام الزيجة والعودة لمنزل الزوجية جاءت ردود فعل المشاهير على الفيديو المنتشر في الآونة الأخيرة.
اقرأ أيضا: اعرف نصائح لجنة التحكيم للمتسابقين في «الدوم»
وكانت في مقدمة هؤلاء الفنانيين النجمة رانيا يوسف، والتي قالت في منشور لها عبر حسابها الشخصي على موقع تبادل الصور والفيديوهات الشهير "إنستجرام"، قائلة: "لو الأهل بيحترموا ولادهم ومش بيضربوهم، مستحيل ولادهم يتقبلوا الضرب من حد تانى ويشوفوه شيء عادي".
وأردفت "يوسف": "المجتمع اللى بيلوم الستات طول الوقت، هو اللى بيخوّف الستات تطلق".
تعليق سمية الخشاب على واقعة عروس الإسماعيلية
بينما علقت الفنانة سمية الخشاب٫ من خلال 3 تغريدات عبر حسابها الشخصي على موقع التدوينات القصيرة "تويتر"، قائلة في إحداها: "اي راجل همجي جاهل لازم يعرف انه احترامه للانثي من احترامه لنفسه، يا اما بقي يروح يعيش مع الحيوانات ويطبق قانون الغابه وساعتها يبقي علي الرجوله والانسانيه السلام... سلام يا "راجل".
فيما عبرت "الخشاب"، عن رأيها في تغريدة أخرى، قائلة: "المفروض يبقي في ماده تتدرس في المدارس والجامعات خصوصا للبنات اسمها " كيفيه الدفاع عن النفس" وتكون بتعلم الناس وخصوصا البنات ازاي يدافعوا عن نفسهم قدام الحيوانات البشريه اللي كترو اوي اليومين دول".
واختتمت النجمة سمية الخشاب حديثها عن الواقعة بتغريدة أخرى، حيث قالت فيها: "انا زهقت اوي! مجتمع ذكوري بحت واهانه المرأه بقت حاجه عاديه ويمكن تكون حق مكتسب كمان للراجل واحنا مش واخدين بالنا... والمفروض انها تسكت وتداري وتعدي عشان كلام الناس والفضايح والمجتمع اللي مبيسبش حد فحاله والذي منه، الفاتحه علي الجهل والتخلف والـ"لا انسانيه".
ريهام سعيد وعروس الإسماعيلية
من جانبها حرص الفنانة والإعلامية ريها سعيد، على دعوة عروس الإسماعيلية إلى عدم إتمام زيجتها ووجهت لها رسالة جاء فيها "ممكن تبقي يتيمة ومالكيش حد وممكن يبقى في حد بس ملوش لازمة، لأنك تكملي الجوازه دي يبقي مالكيش حد فعلا".
وأردفت "سعيد"، حديثها قائلة: "اوعي تغلطي غلطتي وتكملي في حاجة غلط من الأول، أنا حياتي بقت صعبة أوي بسبب قرار واحد غلط أخدته، عارفة ممكن يكون قالك إيه، بس إللي ما يحافظش على كرامتك يبقى مش بيحبك، إللي يرضى إنه يكسر بخاطرك في ليلة عمرك يبقى مش بيحس ولا بني آدم"، مضيفة "غلطتي وأتمنى تصلحي غلطتك ليكي رب اسمه الكريم عارفة الكلام عن الستر وبيتك وجوزك وإن مالكيش حد والفضيحة وماينفعش تطلقي بعد يوم من الجواز كل ده أي كلام، اشتري نفسك وحياتك الناس مش هاتنفعك ربنا فضحه لحكمة عنده، أي ست خايفة وبتكمل حياة كلها مهانة وذل عشان مالهاش حد وخايفة من كلام الناس بقولك خلي عندك إيمان في اللي خلقك ربنا عمره ما هايسيبك".
وتابعت الإعلامية ريهام سعيد، حديثها، قائلة: "غلطتي غلطة عمرك إنك كملتي وهايبقي غلط أكبر لو استمريتي. هايضربك تاني وتالت ورابع وهايضربك قدام عيالك، ليه؟ عشان الحب؟ فين هو ده؟ ساعات في قرارات بتبقي صعبة أوي الواحد ياخدها بس لو نجح إنه ياخدها ويتحدي الناس والخوف هايشتري حياته إللي هايعيشها مرة واحدة بس".
واختتمت ريهام، حديثها، حيث وجهت رسالة خاص للعروس، قائلة "إنتي مش لوحدك مصر كلها معاكي والقانون في ضهرك والله إنتي دلوقتي مش لوحدك، من خلال فيديو خلى ملايين معاكي وفي ضهرك هايدعموكي ويحموكي لو حد يعرفها يوصل لها البوست لازم ننقذها، وننقذ أي حد بيفرط في كرامته وحياته عشان خايف. على فكرة عينيكي في الصورة كلها كسرة وحسرة وإجبار مهما قلتي عينيكي بتتكلم".
