ميرهان حسين بعد أداء العمرة: «إزاي في ناس بتلحد ومنهم صحابي».. صورة

فاجأت الفنانة ميرهان حسين متابعيها وجمهورها بنشرها مجموعة صور لها أثناء أداء مناسك العمرة، وظهرت عبر موقع التواصل الاجتماعي مرتدية الحجاب والعباية البيضاء.

وعلقت ميرهان حسين على صورتها التي نشرتها عبر صفحتها الرسمية بموقع التواصل الاجتماعي لتبادل الصور والفيديوهات انستجرام، قائلة: "الصورة دي من أحب صوري لقلبي.. اترددت أنزلها.. أولًا خفت إن دا يأثر على ثواب حاجة بيني وبين رب العالمين.. ثانيًا عارفة إن في ناس سطحية كتير هايكتبوا كومنتات كلها إيه يا طاهرة إيه يا ست الشيخة".

وتابعت: "ويعملوا فيها إنهم مابيغلطوش أبدا، وجايين يحكموا على ناس زيهم أحكام هبلة وخلاص، وهمّا مايعرفوش اللي بينك وبين ربنا ولا عمرهم هايعرفوه.. بس قولت لأ مش هامشي ورا الفكر دا وهانزّل صورتي اللي بحبها عشان فيها ذكرى وجودي في أطهر بقاع الأرض".

وأضافت ميرهان حسين: "وأنا ضيفة في بيت الله الحرام، وبحتفل فيها بنعمة من أكبر النعم هي نعمة إن ليا رب عظيم اسمه الكريم اللي ممكن أطلب منه أي شيء ومفيش حاجة كبيرة عليه، إنما أمره إذا أراد شيئا أن يقول له كن فيكون.. نعمة وجود ربنا في حياتنا أكبر من كل النعم".

اقرأ أيضًا: كريم محمود عبد العزيز وسليمان عيد ضيفا «صاحبة السعادة» على DMC

واختتمت: "أنا حقيقي معرفش إزاي في ناس بتلحد وتنكر وجود ربنا والعياذ بالله، وفيه منهم أصحاب ليا وناس بقابلهم، ومع حبي ليهم بس بقولهم فايتكوا أعظم حاجة في الوجود إن يبقى ليك رب قادر على تحقيق كل اللي يتمناه قلبك، ويسرح فيه خيالك رب أكبر من كل كبير هو الأمان في الدنيا دي وكل من عليها فان".