رامي وحيد: شخصيتي في المماليك نقلة كبيرة في مشواري

عبر الفنان رامي وحيد، عن سعادته البالغة بالنجاح الكبير الذي حققته مسلسل "المماليك"، من خلال نشر صورة له برفقة فريق العمل، على حسابه الشخصي، عبر موقع تبادل الصور والفيديوهات إنستجرام.

وكتب رامي، على الصورة قائلًا:بعد نهاية المسلسل احب اقول ان شخصية علي فهمي من مسلسل المماليك كانت نقله مهمه ليا في مشواري.. بشكر كل اللي كان ليهم دور في خروج التجربة اللي ربنا كرمنا فيها كرم كبير بحب الناس ليها و نجاحها بالشكل دا.

وتابع: من أول ترشيحي للدور من المخرج حازم فوده اللي بيشيل على كتفه أمانة و حق كل واحد اشتغل في المسلسل كنت قد الأمانة.. وبشكرك على ثقتك فيا في الدور الصعب الجديد عليا اللي فيه كل الأبعاد دي.. ويا رب أكون كنت قد الثقة دي في أول تجربة دراما ليك.. والمؤلف هشام هلال المبدع الموهوب واحد من أهم العناصر اللي شدتني للمسلسل.

وأضاف: بداية نجاحنا كلنا ألف شكر على العظمة دي.. للمنتجين اللي تحدوا ظروف صعبة على مستويات كتير إيهاب منير وشركاه ألف ألف شكر على المستوي دا.. للصورة المحترفة اللي اتعامل مع كل أدواته بمعلمه أحمد الفاره.. والديكور كامبا العالمي والمنتج الفني المحترف اللي اتحمل كل المشاكل حلال العقد أحمد زكي.. الستايلست علا علي، اللي عملتلي شكل جديد عليا جدًا.

وأشار:مرة أظهر بيه شكرًا على مجهودك الجبار وذوقك الحلو أوي.. لكل الزملاء الممثلين اللي استمتعت بالشغل قدامهم الفنان الموهوب التلقائي ابن الأصول محمد لطفي.. النجمة رانيا يوسف تاني قصة حب لينا وعقبال نجاحات كتير مع بعض.. فيدرا المجتهدة اللي استمتعت بأول مرة نشتغل فيها مع بعض وأتمنى تتكرر.

واستكمل حديثه: والقمر عائشة اللي من أحلى المشاهد اللي اتقابلنا فيها.. وصديقي المتعدد المواهب اللي عامل دور حلو أوي رامي غيط.. ونانسي صلاح الخطيرة.. والأسطورة بيومي فؤاد اللي للأسف ما اتقابلناش حتى في التتر.. والرايق محمد سليمان صديقي المحترف.. وعمر حسن يوسف الجامد السهل الممتنع.

واكد: أحسنتم جميعًا واتشرفت جدًا بالشغل معاكوا والفرحة الكبيرة بنجاح المسلسل على مستوى الجمهور نسيتني أي تعب.. يا رب دائمًا أكون عن حسن ظن الجمهور والزملاء وأهلي وأصدقائي.

أقرأ أيضًا: شاهد كواليس ديو «باريس» لمحمد عطاالله والصواريخ قبل طرحه «صور»

أقرأ أيضًا: عبير صبري عن واقعة ويل سميث: «صفعة لكل المتنمرين»