طليقة الفيشاوي «ندى الكامل» غاضبة: «دي دلوقتي منطقة أعراض»

أعربت ندى الكامل، طليقة الفنان أحمد الفيشاوي، عن استيائها الشديد من بعض المواقع الإخبارية التي تكتب عن المواقف التي جمعتها بالأخير في المهرجانات والاحتفالات الفنية، مشيرة إلى أنها بدأت حياة جديدة، وأنها مرتبطة بشخص لا يحب مثل هذه الأشياء عنها.

ونشرت ندي الكامل، صورة جديدة لها من أحدث ظهور عبر حسابها على موقع التواصل الاجتماعي «انستجرام»، وعلقت قائلة: «خلاص بقي.. وعيب كدة.. دي دلوقتي منطقة اعراض.. والحياة دي خلصت وراحت.. وأنا ست مشيت بـ ادبي واحترامي.. ملوش لزوم أخبار زي دي بعد شهور من الأنفصال.. مش كل شوية حد هيضايقني بـ حاجه زي دي، انا بتضايق وبحس اني كأني مخدتش قرار أن الناس تنساني.. وكأني معملتش حاجه ولا حاولت جاهدة اني أمشي وأختار الراحة.. ولو مش هاممكوا أنا.. الرجاء المحافظة علي اللي حواليا وأن فيه شخص أو ناس لما بتشوف الكلام ده بيزعلوا لانه فات وانا قفلت عليه وبدأت حياة وصفحة جديدة وحب وراحة كنت بتمناها».

وأعربت: «الرجاء الحفاظ علي اختياري وتبعاته.. ومرة ثانية حياتي فيها إنسان ميحبش كدة ابدا وأنا ممنونة ليه أنه تخطي الحاجز ده.. بلاش خوض في اللي عدي وكان بـ ارادتي اني اعديه.. ودي مش أول مرة أشوف حاجه زي دي.. بعدي كتير بس كان لازم وقفة شوية.. أنا مبقتش مادة اعلامية ولا بحاول مع احترامي».

اقرأ أيضًا.. مواعيد عرض مسلسل «سوتس» والقنوات الناقلة