بعد محاولة إلقاء أب ابنته من البلكونة.. هاشتاج «أبوها مكانه السجن» يجتاح تويتر

إجتاح هاشتاج "أبوها مكانه السجن" موقع التواصل الاجتماعي " تويتر" وذلك بعد قيام أحد الأباء بمحاولة إسقاط ابنته من شرفة المنزل في مشهد غير لائق وغير آدمي، لتنهال عليه العديد من الانتقادات بسب هذا المشهد المؤسف.

وتفاعل عدد كبير من رواد موقع "تويتر" مع الهاشتاج فغرد أحد المتابعين قائلًا:

"لازم قوانين لحماية الأبناء من الآباء مش معقول البني آدم يُستعبد ويتهان ويختاروله حياته كلها حتي شريكه وجامعته اللي هي أبسط حقوقه، ممكن تضيع عشان أبوها عايزها كذا تخيل فوق كل ده يرميك من البلكونة، ودي بقت وسيلة كل حيوان بيطلع عقده على عياله وزوجته".

وعلق كريم شكري قائلًا:" الضرب "جريمة، واللي بيضرب أولاده أو بيبرر الفعل ده بأي شكل من الأشكال "مجرم" والحقيقة الموضوع ده ليس فيه "رأي ورأي آخر ابداً ولأن العنف تجاه أي كائن حي مسالم "جريمة مفيش فيها أي تسامح". وأولادكم ملكمش الحق ابداً "تعملوا فيهم كده".

وقالت رضوى :" حسبي الله ونعم الوكيل فيك يا اخي ده كفايا الرعب اللي البنت كانت فيه ربنا ينتقم منك ".

بينما قالت منة زكي:

"أنا مش مستوعبه هي عدت الدقايق دي من عمرها ازاي لما الواحد قلبه هيقف و مش مستحمل يكمل الفيديو، حسبي الله و نعم الوكيل بجد فيه وفكل اللي زيه".

بينما قال حساب أخر:" حاسه اني مش بخير أبدا بعد فيديو الأب اللي عاقب بنته بأنه يرميها من البكونة.. مش عاوزة استوعب ان دا حقيقي.. البشر ف البلد دي بقو بشعين جدا حقيقي.
وأضاف:"ربنا يرحمنا و يخرجنا منها على خير".

وعلقت أسماء قائلة:" حسبي الله ونعم الوكيل ف اي اهل بيشوهه عيالهم بلشكل دا ربنا يعلم هي عدت الليلة دي ازاي والسواد ال شافتة وهتشوف مش لاقية كلام للهمجيةوالتخلف دا انت كدا بتربي بنتك دي ممكن تعمل ف نفسها حاجة من كل دا ازاي في ناس دماغها كدا يارب الطف وارحمها".