شاهد.. أحدث ظهور للفنان محمد نور من داخل المسجد الحرام

شارك الفنان محمد نور، مع متابعيه عدة صور له أثناء أداء مناسك العمرة، عبر حسابه الشخصي علي موقع التواصل الاجتماعي لتبادل الصور والفيديوهات "إنستجرام".

وظهر خلالها من داخل المسجد الحرام وهو يرتدي جلباب باللون الأبيض، وعلق: "أول امبارح عدي عليا صديقي المحترم سامر، عشان نروح عزومة في خيمة، وأنا عادة مبروحش أى حاجة كده في رمضان، بس هى كانت مجاملة وكنت لازم أروح، وهي في نفس الوقت كانت لصديقنا كريم، قولت مش مشكلة شويه وهنمشي".

وتابع الفنان محمد نور، "لقيت سامر بيقولي تروح معايا العمرة بكره، قولتلو مش هتلاقي تذاكر أكيد وأنا بقولو كده وخلاص وعارف أنو مستحيل، قالي هتصرف وعرف يجيب، قولتله طيب والفيزا؟، قالي أي حد معاه فيزة أوروبا أو أمريكا سارية وراح بيها ينفع، قولتله ماشي، وكل الشكر لشركة المجيد للسياحة وصديقنا المهندس تامر عبد المجيد وأنا عمري ما بحط صورة واقعد ارغي كده، بس فعلا مبسوط اوي اني جيت المرة دي من غير ترتيب أي حاجه.. اللهم صلي على سيدنا النبي".

اقرأ أيضًا: محمد صبحي يبدأ موسما جديدا لمسرحية «نجوم الظهر» في عيد الفطر