تامر عاشور يوجه رسالة شديدة اللهجة للملحن عمرو مصطفى بعد تصريحاته في برنامج ”حبر سري”
أعرب المطرب تامر عاشور، عن غضبه الشديد من الملحن عمرو مصطفى، ووجه له رسالة قوية دفاعًا عن صناع الأغاني بعد الهجوم عليهم من الأخير أثناء لقاءه في برنامج "حبر سري" مع الإعلامية أسما إبراهيم عبر شاشة قناة "القاهرة والناس".
كتب الفنان تامر عاشور، عبر حسابه الرسمي على موقع التواصل الاجتماعي لتبادل الصور والفيديوهات "فيسبوك": "النجاح يعني أعمال مش كتر كلام وأقول هعمل وأسوي وعايش اتريق على ده وده بقالي سنين - التاريخ جميل مفيش شك بس بيعتمد ع الوقت يعني نقيم اللي شغالين دلوقتي لما يقعدوا نفس الزمن اللي إنت قعدته ونشوف - لكن تقييم دلوقتي اسمه جهل ب التاريخ".
وتابع فائلاً: "أ- ب ملحن يعني لازم مطرب يغني اللحن ده وإلا مكنتش هتبقى ملحن المطرب الأول ينجح بعد كده الملحن ينجح طبعا مفيش كلام والملحن ف حتته والمطرب ف حتته كل نجاح مختلف عن التاني - ونادر عبد الله أعماله كلها ناجحه وشاعر كبير قوي قوي قوي كلامه تقيل كلامه خفيف نبقى نوزن ونشوف لكن نبذه عن أعمال نادر التقيله "أواخر الشتا إليسا - تسلم - كلموها عني- آخر مقابله - تصدق بمين اليسا - بطمنك شيرين - اخيرا اتجرأت شيرين - ريحه الحبايب عمرو دياب - خلينا نشوفك عمرو دياب واضرب في 200 على نفس المستوى بس البوست مش هيكفي تاريخه - بس هو مش بتاع بروبجاندا بس".
وأعرب قائلا: "ومحمد رحيم مش محتاج حد يفرحه أكيد ده بابا يا عموره دراسه ومزيكا وحاجه تشرف يعني وتعطل قدامه جدا بمعمل الكيميا اللي بتتكلم عنه ده والهامي دهيمه موزع . أغنيه قولوله سماح.. فنان كبير هو وأدهم أخوه ومش هاجيب سيره عمرو دياب كتير بس هو الڤاترينه اللي قدمتك للناس بـ "خليك فاكرني، وسنه 99 يعني كان عندك 13 سنه حسب كلامك مع الإعلامية أسما إبراهيم - مش عامر منيب اللي قدمك عامر فعلا ليه فضل على كل الناس وأنا منهم بس مش هو اللي قدمك متزييفش التاريخ اللي عمال تتمسك فيه - ونعمل سيرش على كل إسم من دول نلاقي أعمال تخض وتاريخ يزعلك شخصيًا مش برامج وتخبيط وهخليهم يعتزلوا ومحدش بينجح والكلام العجيب ده وف الآخر تقولي مصر ما تطلع تتكلم كويس على فنانين مصر طيب وقصه نبضات القلب بتاعت الأغاني دي "بلح" وهنغير الذوق العام هتغير الذوق العام بإيه هتغير الذوق العام وماله أصلا الذوق العام - هو علشان بقى في حاجات بتنجح مش إنت اللي عاملها بقى الذوق وحش !! بالتخبيط ف ناس تاريخ ووجه مصر حقيقي هتغير الذوق العام !! روح ادي أغنيه العالم الله دي لأي حد غير عمرو دياب مكانتش هتوصل للعالميه اللي إنت فرحان بيها هي أغنيه تملي معاك محققتش عالميه ؟ اكتر أغنيه لعمرو دياب وصلت للعالميه هي تملي معاك الحان "شريف تاج" مش الحانك كلمات أحمد علي موسى".
واختتم حديثه: "السر ف عمرو دياب صدقني والدليل أن كل أغانيك مع أي حد غير عمرو زيها زي باقي الأغاني ولا راحت عالميه ولا حاجه ود مينقصش من فن".
اقرأ أيضًا: بيان من الجهة المنتجة لمسلسل «بطلوع الروح» بعد تأخر طرح الحلقات الأخيرة
