نشوى مصطفى تروي كواليس رحلتها المهنية: «معرفتش أكون ممثلة مثلما تمنيت»
وجهت الفنانة نشوى مصطفى رسالة، تعتذر من خلالها عن كونها لم تظهر كاملة بالشكل التي كانت تتمناه رغم رحلمها للتمثيل، وهي في عمر الحادية عشر عاما.
وكتبت نشوى مصطفى عبر حسابها الشخصي بموقع التواصل الاجتماعي فيسبوك: "حلمي إني أكون ممثلة بدايته كانت وأنا عندي 11 سنة - كانت أول مرة أشوف فيلم باب الحديد — الممثل اللي بيعمل دور قناوي سحرني، مكنتش أعرف اسمه، ولا أعرف أنه مخرج، ولا كنت أفهم يعنى إيه مخرج؟ أتوحدت مع إحساس عينيه، واللي لحد دلوقتى مع أحترامى لكل عباقرة وأساتذة التمثيل مشفتش مساحة الصدق القصوى غير فى عنين يوسف شاهين وهو قناوى".
اقرأ أيضًا.. رحمة أحمد لـ«الطريق»: لم أتوقع النجاح وأتمنى التعاون مع حنان مطاوع
وأضافت: "طفلة عندها 11 سنة أحلامها شبت خارج حدود أسوار طبقة اجتماعية، متفهمش يعنى إيه لما يسألوها عايزة لما تكبرى تطلعى إيه تقول لهم عايزة أبقى ممثلة، حاربت علشان أكون ممثلة وقدرت وبشروطي، بس معرفتش أحارب علشان أكون ممثلة زي ماكنت أتمنى استسلمت للتننميط، ودي كانت شروطهم طالما انا ليا شروط، أحياناً كنت باقدر أفلفص بس وأنا بقرب من النهاية، باعتذر لنفسي إني بمساعدة آخرين استسلمت وحرمتني من متعة أن أكون زي ما تمنيت، ضيعت وضيعوا عليا فرصة الحياة، الحمد لله فى كل الأحوال، الحمد لله دايماً، الحمد لله".
