الرئيس السيسي: «معندناش خيار تاني عشان تقولى نستورد من بره»

قال الرئيس عبد الفتاح السيسي، اليوم السبت: "من فضلكم الدولة كلامها حاجة تانية وإجراءها عايز كتير من الفهم والدراسات، لأن ممكن حد يقول بتتكلفوا كل ده ليه كنت ذكرت أنه يتكلف من 200-300 ألف جنيه للفدان، أي المليون فدان يدخل في 250 مليار جنيه على أسعار منذ عامين أو ثلاثة".

وأضاف الرئيس السيسي خلال افتتاح مشروع مستقبل مصر للإنتاج الزراعي، قائلا: "خلال الـ10 سنوات الماضية تم زيادة السكان حوالي 20 مليون ولهم طلبات من السلع الأساسية"، متسائلا: "طب نمونا كدولة يقدر يستوعب دة وتحقيق الكفاية للشعب؟".

وتابع السيسي: "معندناش خيار تاني عشان تقولى نستورد من بره، طيب الأزمة الموجودة دلوقتى كاشفة للموضوع ده.. مش هنقدر نستنى المدة دي، تحرمنى من 400 ألف فدان لو عملتهم قمح مش أقل من مليون طن، والقضية مش بقت بكام لكن هما متاحين في السوق العالمى ولا لأ؟".

السيسي: يا جماعة تكلفة مشروعات مستقبل مصر غير بسيطة

ويساهم مشروع مستقبل مصر فى مواجهة التحديات الطارئة التى نتجت عن التغيرات الاقليمية والعالمية، وذلك فى ظل اعتماد مصرى كامل على عملية الاستيراد فى مجال الحبوب وبنسب متفاوتة فى كل سلعة، وذلك قبل أن تتحرك الدولة فى مسار مشروع مستقبل مصر وتوشكى وغيرها من المشاريع العاملة فى القطاع الزراعى، والتى ستقلل نسبة العجز بنسبة كبيرة للغاية.