أول تعليق من خالد عليش بعد حصوله على حكم برؤية طفلته
أعلن الفنان والمذيع خالد عليش حصوله على حكم في قضية رؤية ابنته من طليقته الفنانة ميما الشامي.
وكتب "عليش" عبر صفحته الشخصية بموقع التواصل الاجتماعي فيسبوك: "النهاردة أنا خدت حكم تاريخي يارب يتنفذ علي خير وتاريخي لأنه أحسن حكم ممكن اخده في ظل ظروف قانون الأسرة السيء لحين تعديله".
وأضاف: "واللي طلع الحكم قاضي مش واحد صاحبنا ف ده معناه أن الراجل قره وفهم وبيدي لكل واحد حقه لكن جه الوقت اللي أقول فيه اللي جوايا.. حسبي الله ونعم الوكيل.. أنا خصيم لكل واحد أو واحدة حتى يوم الحساب ساعدوا بشكل مباشر أو غير مباشر أني ما اشوفش بنتي بطريقة إنسانية".
وتابع: "كل حد كبير أو صغير جريت ورآه بالمكالمات عشان أشوف أي حلول ودية.. حتى الحركات و الجروبات النسوية اللي يدافعون عن الست وخلاص.. أي حد بيكتب تعليق وهو مش فاهم حاجة فاض بيا الكيل والعمر بيعدي واستحملت الكثير من الاتهامات الباطلة وعلاقتي ببنتي بتبوظ يوم بعد يوم".
واستكمل قائلًا: "أنا ملتزم بكافة الالتزامات المادية ناحيتها من أول يوم كاملة وزيادة كمان عن المستوى المادي والاجتماعي اللي عايشين فيه ومع ذلك استحملت كتير و ماردتش".
وكتب: "أنا لا حول لي ولا قوة حاولت مع كل الحلول الرسمية والغير الرسمية.. تعبت من اللف في دوائر مغلقة.. تعبت من نظرة والدي ووالدتي المريضة اللي نفسهم يشوفوا حفيدتهم و مش قادر اعملهم ده.. أنا أوحش رجل في العالم ولكن ما استحق إني ما يكونش عندي فرصة أتكلم وأخرج معاها وافسحها عشان علاقتي بيها تبقي كويسة".
اقرأ أيضًا: طارق الشناوي: محمد عشوب أخطأ بتصريحاته عن سمير صبري
وقال: "محدش يقول أنت السبب عشان سيبت ماماتها أنا ووالدتها كان في بينا عشرة طيبة وأيام كتير حلوة ولكن لم يحالفنا التوفيق في النهاية وكل شيء نصيب والانفصال كان برغبتها قبل رغبتي".
